Esta 2:9 - Siswati 1996 Bible

⁹ Hegayi wamtsandza, waba nengati lenhle kuHegayi. Hegayi akacitsanga sikhatsi, wavele wesukela etulu kutsi amnike konkhe lakudzingako nekudla kwelikhetselo. Ngetulu kwekumnika indzawo lekhetsiwe waphindze wamnika tisebenti letisikhombisa kutsi timsebente.

Esta 2:9 Referencias Cruzadas

Genesisi 39:21

Simakadze wajinge waba naye, wamentela umusa, wamupha kutsandzeka emehlweni emgcinijele.

Genesisi 39:4

Ngako-ke Josefa wazuza umusa kuPhotifari; wambeka kutsi abe yindvuna yakhe leyengamele likhaya lakhe nayo yonkhe imphahla yakhe.

1 Emakhosi 8:50

Batsetselele bantfu bakho labonile kuwe, utsetselele tonkhe tiphambuko tabo labone ngato kuwe, wente batfumbi babo babe nemusa kubo.

Ezra 7:6

Ezra wefika aphuma eBhabhulona. Ezra abeyingcweti kutemtsetfo waMosi, lowawumiswe nguSimakadze, Nkulunkulu wema-Israyeli. Inkhosi yayimnike konkhe labekucelile, ngobe sandla saSimakadze Nkulunkulu wakhe sasisetikwakhe.

Nehemiya 2:8

Ngicela nencwadzi leya ku-Asafa, umgcini welihlatsi lenkhosi, kutsi angiphe tingodvo tekwakha emasango enqaba leseceleni kwelithempeli kanye netekwakha lubondza lwelidolobha nendlu lengitawube ngihleti kuyo.” Njengobe sandla semusa saNkulunkulu wami sasisetikwami, inkhosi yavele yanginika konkhe loko lengangikucelile.

Esta 2:12

Ngaphambili kwekutsi intfombatana ingene enkhosini Ahashiveroshi kwakufanele itsatse umnyaka isaticola ngemafutsa lakhetsiwe lagcotjiswa ngemantfombatana; tinyanga letisitfupha bekuba tekuticola nekutilolonga ngemafutsa elikhetselo, bese kutsi letisitfupha letilandzelako tibe tekutigcobisa nekutitsela ngemakha nangetimonyo.

Esta 2:3

Inkhosi ayikhetse bantfu babe ngemancusa ayo kulelo nakulelo live lelingaphansi kwalombuso. Lamancusa kufanele afune emantfombatana lamahle awaletse lapha esigodlweni, eSusa, awetfule kuHegayi, indvuna yalabasikati. Yena utawanika timonyo nemihlobiso.

Esta 5:2

Inkhosi yatsi nayibona inkhosikati lenkhulu Esta ime ngaphandle, yajabula, yase iphakamisa indvuku yayo yegolide isho kutsi akangene. Weta wafike watsintsa sihloko salendvuku.

Tihlabelelo 106:46

Wenta bonkhe batfumbi babo kutsi babahawukele.

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Danyela 1:9

Manje Nkulunkulu abesente lendvuna kutsi ibe nemusa nesihawu kuDanyela,

Imisebenti yebaPhostoli 7:10

wamsindzisa kuto tonkhe tinhlupheko takhe. Josefa watsi nakema embikwaFaro, inkhosi yaseGibhithe, Nkulunkulu wamnika umoya lomuhle nekuhlakanipha. Faro wamenta umbusi etikwalo lonkhe laseGibhithe nasetikwendlu yakhe yonkhe.