Esta 2:7 - Siswati 1996 Bible

⁷ Lo-Esta labebitwa ngekutsi nguHadasa ngesiHebheru, abemuhle eme kahle. Modekhayi wamfaka esiswini sakhe ekufeni kwebatali bakhe. Empeleni, Esta abeyindvodzakati yemnakaboyise waModekhayi, ngako abengudzadzewabo.

Esta 2:7 Referencias Cruzadas

Genesisi 48:5

Wachubeka watsi: “Lamadvodzana akho lamabili lowawatalelwa lapha eveni laseGibhithe ngisengakafiki mine, nguwona awami. Efrayimu naManase batawuba bami, njengobe Rubeni naSimeyoni babami.

Esta 1:11

tite nayo yembetse kahle ifake nemchele wayo webukhosi kuze ibakhombise buhle bayo. Phela Vashti bekamuhle kakhulu, abukeka.

Esta 2:15

Lase liyefika-ke ligema la-Esta. Esta lona abeyindvodzakati ya-Abihayili, umnakaboyise waModekhayi. Modekhayi wamfaka esiswini sakhe; Esta-ke abetsandvwa nguye wonkhe umuntfu. Futsi yena akazange afune lokunye, abeneliswa nguloko lanikwa kona nguHegayi, indvuna yemaphovela.

Esta 2:20

Esta wawafihla emasiko, nemihambo kanye nemisimeto yesive sakubo, njengobe Modekhayi abemyalile. Wachubeka wawagcina emavi aModekhayi, njengobe abenta asemncane.

Esta 8:1

Ngalona lelo langa inkhosi Ahashiveroshi yadla tonkhe timphahla taHamani, sitsa nemhluphi wemaJuda, watinika inkhosikati Esta, tema ngaye. Esta walandzisa inkhosi ngekuhlobana kwabo naModekhayi; ngako kusukela ngalelo langa Modekhayi waba nemvume yekungena endlunkhulu.

Jobe 31:17

nangabe ngatigodlela mine kudla kwami, ngangete ngahlephulelana nalabatintsandzane,

Jobe 31:18

kodvwa ngabondla kusukela ebusheni bami, ngaba njengeyise kubo, kusukela ekutalweni kwami ngabondla bafelokati,

2 kubaseKorinthe 6:18

INkhosi, Somandla, yaphindza yatsi: “Mine ngiyawuba nguYihlo, nine-ke niyawuba ngemadvodzana nemadvodzakati ami.”

Kubase-Efesu 6:4

Boyise ningabaphatsi kabi bantfwabenu, badzimate babe nenzondo, kodvwa bakhuliseni ngekubayala nangekubacondzisa ngemphilo yebuKhristu.

1 yaJohane 3:1

Ase nibuke lutsandvo lolungaka Babe lasinike lona kutsi sibitwe ngekutsi sibantfwana baNkulunkulu; futsi vele singabo. Ngako-ke live alisati tsine, ngobe alimatanga yena.