Esta 2:23 - Siswati 1996 Bible

²³ Kwatsi kube kuphenywe kahle kutfolakale kutsi lendzaba yayiliciniso; lamadvodza lamabili alengiswa ngentsambo. Konkhe loko kwabhalwa encwadzini yemilandvo yemakhosi, inkhosi, Ahashiveroshi, ibuka.

Esta 2:23 Referencias Cruzadas

Genesisi 40:19

Emvakwemalanga lamatsatfu, Faro utakukhipha lapha ejele akugwebe intsambo! Utakulengisa elugodvweni, tinyoni tidle sidvumbu sakho.”

Genesisi 40:22

kodvwa umpheki lomkhulu wetinkhwa wamlengisa entsanjeni. Konkhe kwaya njengobe Josefa abechazile.

Ezra 4:15

khona utawuke uphenyisise emilandvweni yabokhokho bakho. Kuleyo ndzawo utawukhandza kutsi lelidolobha linenkhani, liluhlupho emakhosini kusukela endvulo. Bantfu balo kulukhuni kubabusa. Nguko nje labhujiswa lelidolobha.

Esta 10:2

Tonkhe tintfo nemisebenti yakhe lemikhulu lemangalisako kanye nekubeka Modekhayi esikhundleni kubhaliwe emilandvweni yemakhosi asePheresiya naseMediya.

Esta 5:14

Ngako umkakhe Zereshi, nabo bonkhe bangani bakhe bakhipha siphakamiso batsi: “Yini ungagawuli sigodvo lesingemamitha langema-22 budze, uvuke ekuseni ucele enkhosini kutsi Modekhayi alengiswe khona; utawutsi nawuya edzilini nenkhosi ube ujabulile.” Leso siphakamiso samjabulisa Hamani, ngako sigodvo sekulengisa Modekhayi salungiswa masinyane.

Esta 6:1

Kulobo busuku abuzange sebehle butfongo enkhosini, ngako yatfumela kutsi akulandvwe emabhuku emilandvo yembuso ifundzelwe.

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

Joshuwa 8:29

Joshuwa lenkhosi yase-Ayi wayilengisa esihlahleni, wayishiya khona lapho kwaze kwahlwa. Kwatsi nakushona lilanga, Joshuwa wayala bantfu kutsi abetfule sidvumbu sayo esihlahleni, basijike ekungeneni kwelisango lelidolobha. Babutsisa lenkhulu indvundvuma yematje etikwalesidvumbu, leseloku yahlala kuze kube ngulamuhla.