Esta 2:16 - Siswati 1996 Bible

¹⁶ Wangeniswa-ke enkhosini Ahashiveroshi endlunkulu. Wangeniswa ngenyanga yelishumi lekwakuyinyanga yaThebethi, ngemnyaka wesikhombisa wekubusa kwayo.

Esta 2:16 Referencias Cruzadas

Ezra 4:6

Ekucaleni kwekubusa kwaZeksesi, inkhosi, letitsa tabhala phansi tibeka sive sakaJuda nebantfu baseJerusalema licala.

Ezra 7:8

Ezra wefika eJerusalema ngenyanga yesihlanu ngemnyaka wesikhombisa wekubusa kwenkhosi.

Esta 2:1

Emvakwesikhatsi kutfukutsela kwenkhosi Ahashiveroshi kwabotja. Wakhumbula nekwenta kwakhe Vashti kanye netinyatselo temtsetfo lamtsatsela tona.

Esta 2:15

Lase liyefika-ke ligema la-Esta. Esta lona abeyindvodzakati ya-Abihayili, umnakaboyise waModekhayi. Modekhayi wamfaka esiswini sakhe; Esta-ke abetsandvwa nguye wonkhe umuntfu. Futsi yena akazange afune lokunye, abeneliswa nguloko lanikwa kona nguHegayi, indvuna yemaphovela.

Esta 2:17

Inkhosi yatsatseka nga-Esta, kwendlula onkhe lawa lamanye emantfombatana. Yatsandza Esta ngetulu kwawo onkhe emantfombatana, ngako yamkhetsa emkhatsini wawo yametfwesa umchele webukhosi, yambeka waba yinkhosikati lenkhulu esikhundleni saVashti.

Esta 2:3

Inkhosi ayikhetse bantfu babe ngemancusa ayo kulelo nakulelo live lelingaphansi kwalombuso. Lamancusa kufanele afune emantfombatana lamahle awaletse lapha esigodlweni, eSusa, awetfule kuHegayi, indvuna yalabasikati. Yena utawanika timonyo nemihlobiso.

Esta 8:9

Loku kwenteka ngelilanga lema-23, enyangeni yesitsatfu, lebitwa ngekutsi nguSivani. Modekhayi wabita bomabhalane benkhosi wabeka inkhulumo, bona bayibhala phansi. Letincwadzi tamikiswa kumaJuda, nebabusi, netindvuna, netiphatsimandla, nakuto tonkhe tifundza letatili-127, kusukela eNdiya kuze kufike eSudani. Letincwadzi tabhalwa ngelulwimi nangeluhlobo lwekubhala lwaleso naleso sifundza lapho tatiya khona, nakuwo emaJuda ngelulwimi lwawo nangeluhlobo lwekubhala kwawo.