Esta 1:3 - Siswati 1996 Bible

³ Kwatsi ngemnyaka wesitsatfu wekubusa kwakhe wenta lidzili lelikhulu, wamema tonkhe tiphatsimandla takhe netindvuna takhe. Wamema nemabutfo asePheresiya newaseMediya. Tonkhe tikhulu tatikhona, tikanye netiphatsimandla tembuso.

Esta 1:3 Referencias Cruzadas

Genesisi 40:20

Emvakwemalanga lamatsatfu, Faro wagubha lusuku lwakhe lwekutalwa. Wenta lidzili, wentela tonkhe tisebenti takhe. Umphatsi wetitja kanye nempheki lomkhulu wetinkhwa wabakhipha ejele; babasemkhatsini wetisebenti nabo.

1 Emakhosi 3:15

Solomoni wase uyaphaphama. Wabona kutsi abebhudza. Wancandzeka wabuyela eJerusalema, wafike wema embikwelibhokisi lesivumelwane saSimakadze wenta imihlatjelo yekushiswa neyekuthula. Emvakwaloko wase wenta lidzili labo bonkhe bantfu basesigodlweni sakhe.

Ezra 1:2

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, wangiyala nekutsi ngimakhele lithempeli lakhe eJerusalema kulakaJuda.

Esta 1:14

Labo yayivamise kubabita bekuboKhashena, naShethari, na-Admatha, naThashishi, naMeresi, naMasena kanye naMemukhani. Babetiphatsimandla letisikhombisa letatisetulu embusweni wasePheresiya naseMediya.

Esta 1:4

Kwaphela tinyanga letisitfupha solomane abukisa ngemcebo wembuso wakhe, nebuhle, nebucwebecwebe bebukhosi bakhe.

Esta 2:18

Ngako-ke inkhosi yenta lelikhulu lidzili, yentela Esta netiphatsimandla tayo. Yamemetela lilanga lekuphumula kuto tonkhe tigodzi, yephana ngetipho letinyenti tasebukhosini kubo bonkhe bantfu.

Esta 3:7

Kwatsi ngenyanga yekucala, yaNisani, ngemnyaka weli-12 wekubusa kwenkhosi Ahashiveroshi, kwentiwa inkatho embikwaHamani yekutfola kutsi kungaba nguliphi lilanga nenyanga lekutsi aphumelelise lelisu lakhe. Ngako kwakhetfwa lilanga leli-13 ku-Adari, inyanga yeli-12.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Jeremiya 51:11

“Lolani imicibisholo, nitsatse emahawu! Simakadze uchukulute emakhosi aseMediya, ngobe injongo yakhe kubhubhisa iBhabhulona. Simakadze utawutiphindzisela, akhiphe sibhongo ngenca yelithempeli lakhe.

Danyela 5:1

Inkhosi Bhelshasari yenta lidzili lelikhulu yentela tindvuna tayo letatiyinkhulungwane, yanatsa nato liwayini.

Danyela 5:28

Pharisini: Umbuso wakho wehlukanisiwe wanikwa emaMede nemaPheresiya.”

Danyela 6:1

Kwaba kuhle kuDariyusi kutsi abeke tikhulu letili-120 kutsi tengamele wonkhe umbuso wakhe;

Danyela 8:20

Lesihhanca losibonile lesinetimphondvo letimbili, simele emakhosi aseMediya newasePheresiya.

Makho 6:21

Kodvwa litfuba lavuleka ngesikhatsi Herodi agubha lusuku lwakhe lwekutalwa. Wenta sibhimbi, wabita bonkhe bantfu besigodlo sakhe, netindvuna takhe temphi, kanye netiphakanyiswa taseGalile.