Esta 1:17 - Siswati 1996 Bible

¹⁷ “Kutawutsi lingakashoni nje, bonkhe bafati batawube sebakuvile lokwedzelela kwalenkhosikati lenkhulu. Nabo batawube sebedzelela lawa abo emadvodza, babe batsi: ‘Ingani inkhosi Ahashiveroshi itsite ibita inkhosikati lenkhulu Vashti kutsi ite kuyo, yala.’

Esta 1:17 Referencias Cruzadas

2 Samuweli 6:16

Latsi libhokisi lesivumelwane saSimakadze nalingena eDolobheni laDavide, Mikhali, indvodzakati yaSawula, wabukela, avele ngelifasitelo. Watsi nakabona inkhosi Davide igiya igcabashula embikwaSimakadze, wayedzelela enhlitiyweni yakhe.

Ezra 4:6

Ekucaleni kwekubusa kwaZeksesi, inkhosi, letitsa tabhala phansi tibeka sive sakaJuda nebantfu baseJerusalema licala.

Esta 1:16

Memukhani wakhuluma, watsi: “Inkhosikati lenkhulu Vashti ayikedzeleli inkhosi kuphela, kodvwa yedzelele ngisho netiphatsimandla tayo, kanye nabo bonkhe bantfu labakulombuso.

Esta 1:18

Bonkhe bafati betiphatsimandla tenkhosi batawutsi bangeva ngalokwedzelela kwenkhosikati lenkhulu, bese batjela emadvodza abo lingakashoni nelilanga. Loko kutakwenta bonkhe bafati bangawahloniphi emadvodza abo, loko kwente kutsi lamadvodza abaphatse ngesihluku labafati bawo, bese kutsi budlelwane bemindeni bube munyu.

Kubase-Efesu 5:33

Noko-ke, akube ngulowo nalowo atsandze umkakhe, njengobe atitsandza yena, nemfati ahloniphe indvodza yakhe.