Esta 1:10 - Siswati 1996 Bible

¹⁰ Kwatsi ngelilanga lesikhombisa, inkhosi seyibufakile yatjela tindvuna tayo letatibatsenwa boMehumani, naBiztha, naHabona, naBiktha, na-Abagitha, naZethari, naKhakhasi kutsi tilandze inkhosikati lenkhulu Vashti,

Esta 1:10 Referencias Cruzadas

Genesisi 43:34

Batsi nabanikwa kudla kwasetafuleni laJosefa, kwakaBhenjamini kwaphindvwa kahlanu kunekwabo bonkhe. Ngako-ke badla, banatsa, bajabula kanye naye.

2 Samuweli 13:28

Absalomu wakhuluma kuletinceku takhe, watsi: “Lalelani! Utakutsi Amnoni nasanatse waze wativa asamnandzi, ngitsi kini: ‘Jubani Amnoni afe,’ nibombulala. Ningesabi, ngobe leligunya nalamandla ninikwa ngimi. Cinani nibe nesibindzi.”

Esta 1:9

Inkhosikati lenkhulu Vashti nayo yayente layo lidzili, yentele emakhosikati lebeyihlala nawo esigodlweni senkhosi Ahashiveroshi.

Esta 3:15

Ngekuyala kwenkhosi leso simemetelo sakhishwa eSusa inhlokodolobha yalowo mbuso; emancusa aphutfumisa lesimemetelo kuwo onkhe emave. Inkhosi naHamani bona bahlala phansi banatsa ngesikhatsi lidolobha lonkhe laseSusa lidzidzekile ngekumangala.

Esta 7:9

Lomunye wabo, lekwakutsiwa nguHabona, watsi: “Yena lo Hamani phela besalungise nesigodvo lesingemamitha langema-22 ngasendlini yakhe, asilungisele kulengisa Modekhayi lowephula imphilo yenkhosi engotini.” “Lengisani Hamani kuso!” sekusho inkhosi.

Taga 20:1

Liwayini lenta umuntfu abe sidvwaladvwala, abange nemsindvo. Kute umuntfu lotiphatsa kahle nasadzakiwe.

Taga 31:4

Lalela-ke, Lemuweli: Emakhosi kufanele angalinatsi liwayini nome ngabe yini lokudzakanako.

Umshumayeli 10:19

Lidzili lentelwa injabulo, neliwayini lenta kutsi kutsakaswe; kodvwa imali iyimphendvulo yako konkhe.

Tikhulu 16:25

Batsi nase bamnandzi, bamemeta batsi: “Khiphani Samsoni atesidlalela.” Ngako babita Samsoni ejele, bamletsa embikwabo, wabagidzela. Bambeka emkhatsini wetinsika.

Tikhulu 19:6

Ngako base bahlala phansi bobabili, badla, banatsa ndzawonye. Emvakwaloko loyise walentfombatana watsi: “Ngiyacela, sale ulala kulobusuku balamuhla, khona utetijabulisa.”

Ruthe 3:7

Ngesikhatsi Bowazi asadlile wanatsa, wativela ajabulile; ngako wahamba wayawulala eceleni kwencumbi yakolo. Ruthe wanyonyoba wasondzela kuBowazi, wafike wagwabula ingubo ngasetinyaweni takhe wangena, walala.