Esta 1:1 - Siswati 1996 Bible

¹ Inkhosi Ahashiveroshi ngesikhatsi sayo yayibusa tifundza letili-127 kusukela eNdiya kuze kuyewuma eSudani.

Esta 1:1 Referencias Cruzadas

Ezra 4:6

Ekucaleni kwekubusa kwaZeksesi, inkhosi, letitsa tabhala phansi tibeka sive sakaJuda nebantfu baseJerusalema licala.

Esta 10:1

Bantfu lababeselugwini lwembuso kanye nalabo labebakhe ekhatsi kwelive, inkhosi Ahashiveroshi wabaphocelela kutsi bamsebentele kamatima.

Esta 2:3

Inkhosi ayikhetse bantfu babe ngemancusa ayo kulelo nakulelo live lelingaphansi kwalombuso. Lamancusa kufanele afune emantfombatana lamahle awaletse lapha esigodlweni, eSusa, awetfule kuHegayi, indvuna yalabasikati. Yena utawanika timonyo nemihlobiso.

Esta 8:9

Loku kwenteka ngelilanga lema-23, enyangeni yesitsatfu, lebitwa ngekutsi nguSivani. Modekhayi wabita bomabhalane benkhosi wabeka inkhulumo, bona bayibhala phansi. Letincwadzi tamikiswa kumaJuda, nebabusi, netindvuna, netiphatsimandla, nakuto tonkhe tifundza letatili-127, kusukela eNdiya kuze kufike eSudani. Letincwadzi tabhalwa ngelulwimi nangeluhlobo lwekubhala lwaleso naleso sifundza lapho tatiya khona, nakuwo emaJuda ngelulwimi lwawo nangeluhlobo lwekubhala kwawo.

Esta 9:30

Lencwadzi yayicondziswe kuwo onkhe emaJuda, yase itfunyelwa nakuto tonkhe tifundza letatili-127 embusweni wonkhe wasePheresiya. Yayifisela emaJuda kuthula nenhlalakahle,

Isaya 18:1

Maye kuwe wena live leligubhutisa timphiko, lingesheya kwemifula yaseSudani,

Isaya 37:9

Senaheribi watfola umbiko wekutsi Thihakha, inkhosi yaseKushe, nayo iyashuca itewuhlasela yena. Watsi nakeva loku, watfumela tigijimi kuHezekiya nelivi lelitsi:

Danyela 11:2

“Manje-ke, sengikutjela liciniso: Kusetawuvela lamanye emakhosi lamatsatfu ePheresiya, bese kuba yesine leyawunjinga kakhulu kunawo onkhe lalamanye. Kuyawutsi nase iwatfolile emandla ngebunjinga bayo, bese ivusa wonkhe umhlaba kutsi akuvukelwe iGrisi.

Danyela 6:1

Kwaba kuhle kuDariyusi kutsi abeke tikhulu letili-120 kutsi tengamele wonkhe umbuso wakhe;

Danyela 9:1

Ngemnyaka wekucala waDariyusi, umsa wa-Ahashiveroshi, umMede ngekutalwa, lowabekwa waba yinkhosi etikwembuso waseBhabhulona,