Eksodusi 9:34 - Siswati 1996 Bible

³⁴ Kodvwa Faro watsi kube abone kutsi imvula nesangcotfo kanye nekudvuma sekukhawulile, waphindze wona; yena netiphatsimandla takhe benta tinhlitiyo tabo taba lukhuni.

Eksodusi 9:34 Referencias Cruzadas

2 Tikhronike 28:22

Ahazi akazange etsembeke ngisho nakancane nje kuSimakadze ngesikhatsi sekuhlupheka kwakhe.

2 Tikhronike 33:23

Kodvwa yena akazange afute uyise Manase, ngobe akazange aphendvuke, atitfobe embikwaSimakadze, Amoni wachubeka wadlanga ngebubi bakhe.

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

Eksodusi 4:21

Simakadze wakhuluma kuMosi, watsi: “Nase ubuyele eGibhithe, ucaphele kutsi uyente embikwaFaro yonkhe lemimangaliso lengikunike emandla ekuyenta. Kodvwa ngiyawuyenta ibe lukhuni inhlitiyo yaFaro, ngako angeke asivumele sive sami kutsi sihambe.

Eksodusi 7:14

Simakadze wakhuluma kuMosi, watsi: “Inhlitiyo yaFaro seyilukhuni, uyala kukhulula labantfu kutsi bahambe.

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Eksodusi 9:33

Mosi wesuka kuFaro, waphumela ngephandle kwelidolobha, waphakamisa tandla takhe athandaza kuSimakadze, kudvuma nesangcotfo kwancamuka, imvula yaphakamisa.

Eksodusi 9:35

Ngako-ke inhlitiyo yaFaro yayilukhuni, wangabe asabakhulula bantfwana baka-Israyeli kutsi bahambe; kwaya njengobe abevele ashito Simakadze ngemlomo waMosi.

Umshumayeli 8:11

Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

1 Samuweli 6:6

Nitentelani tinhlitiyo tenu tibe lukhuni njengebaseGibhithe nanjengaFaro? Ngesikhatsi Nkulunkulu abahlupha kamatima, abazange yini bawakhulule ema-Israyeli kuze ahambe indlela yawo?