Eksodusi 9:29 - Siswati 1996 Bible

²⁹ Mosi wakhuluma kuye watsi: “Ngitawutsi ngingaphuma la edolobheni, bese ngiphakamisa tandla tami ngithandaze kuSimakadze; lokudvuma kutawukhawula nalesangcotfo siphele, kuze wati kutsi umhlaba ngewaSimakadze.

Eksodusi 9:29 Referencias Cruzadas

1 Emakhosi 8:22

Solomoni wase uma embikwelilati laSimakadze, embikwaso sonkhe sive sema-Israyeli, waphakamisa tandla takhe watibhekisa ngasezulwini,

1 Emakhosi 8:38

nase kwentiwa umthandazo nome kuncenga kwentiwe ngunome ngubani wakulesive sakho, ema-Israyeli, nguloyo atibonela sishayo enhlitiyweni yakhe, aphakamise tandla takhe atibhekise kulelithempeli,

Ezra 9:5

Kwatsi ngesikhatsi semhlatjelo wakusihlwa, ngasukuma lapho ekujabheni kwami, ingubo nesembatfo sami kudzabukile, ngaguca ngemadvolo tandla tami tivulekile embikwaSimakadze Nkulunkulu wami,

Jobe 11:13

“Noko nawunikela inhlitiyo yakho ngalokuphelele kuye, welulele tandla takho, ukhuleke, utinikele kuye,

Tihlabelelo 135:6

Konkhe Simakadze lakutsandzako uyakwenta emazulwini nasemhlabeni, etilwandle kanye nasekujuleni konkhe.

Tihlabelelo 143:6

Tandla tami ngitiphakamisela kuwe, umphefumulo wami womela wena njengemhlabatsi lowomele imvula. Cabanga.

Tihlabelelo 50:12

“Kube bengilambile, bengingeke nginitjele, ngobe umhlaba nako konkhe lokukuwo kwami.

Eksodusi 19:5

“ ‘Ngako-ke naniyawulilalela livi lami nigcine nesivumelwane sami, niyawuba ligugu lami emkhatsini wato tonkhe tive; ngobe wonkhe umhlaba wami.

Eksodusi 20:11

Ngemalanga lasitfupha Simakadze wadala lizulu nemhlaba, nelwandle nako konkhe lokukuko, waphumula ngelilanga lesikhombisa. Ngako-ke Simakadze walibusisa walingcwelisa lelilanga leliSabatha.

Eksodusi 8:22

Kodvwa live laseGosheni, lapho kuhlala khona sive sami, ngitaliphephisa; bangeke bahlaselwe tibawu, khona utekwati kutsi mine, Simakadze, ngikhona kulelive.

Eksodusi 8:6

Ngako-ke Aroni wayengamisa etikwemanti aseGibhithe. Tigogodvolo taphuma tananabuka nalo lonkhe live laseGibhithe.

Eksodusi 9:33

Mosi wesuka kuFaro, waphumela ngephandle kwelidolobha, waphakamisa tandla takhe athandaza kuSimakadze, kudvuma nesangcotfo kwancamuka, imvula yaphakamisa.

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

1 kubaseKorinthe 10:26

Ngobe umBhalo utsi: “Umhlaba nako konkhe lokukuwo kweNkhosi.”

1 kubaseKorinthe 10:28

Kepha nangabe lomunye atsi kini: “Loku kuhlatjelwe tithico,” ningakudli, ngenca yakhe, nangenca yanembeza.

Dutheronomi 10:14

“Emazulu ngewaSimakadze Nkulunkulu wenu, ngisho nemazulu lasetulu kakhulu imbala; nemhlaba nako konkhe lokukuwo kwakhe.