Eksodusi 8:9 - Siswati 1996 Bible

⁹ Mosi waphendvula Faro watsi: “Anginike wena emandla nelilungelo lekungibekela sikhatsi lengingakuthandazela ngaso wena netiphatsimandla takho kanye nesive sakho, kutsi tiphele letigogodvolo lapha emkhatsini wenu nasetindlini tenu, tisale emfuleni iNayili kuphela.”

Eksodusi 8:9 Referencias Cruzadas

1 Emakhosi 18:25

Elija wakhuluma kubaphrofethi baBhali, watsi: “Khetsani lenye yaletinkunzi, bese niyilungisa nine kucala, njengobe naku nine nibanyenti kangaka nje. Bitani libito lankulunkulu wenu, kodvwa ningawokheli umlilo.”

Eksodusi 7:25

Kwendlula emalanga lasikhombisa Simakadze awashayile emanti emfula iNayili.

Eksodusi 8:10

Faro wamphendvula watsi: “Kusasa.” Mosi watsi: “Kulungile, nkhosi, kutakwenteka njengobe ufuna, kuze wati kutsi kute lofanana naSimakadze longuNkulunkulu wetfu.

Eksodusi 8:11

Letigogodvolo titawusuka kuwe, nasetindlini takho, nasetiphatsimandleni takho, nasesiveni sakho. Titawusala emfuleni iNayili kuphela.”

Eksodusi 8:8

Faro wabita boMosi na-Aroni; befika, watsi kubo: “Thandazani kuSimakadze nimcele kutsi esuse letigogodvolo la kimi nakulesive sami. Ngitawube sengiyabakhulula labantfu benu bahambe, khona batawunikela imihlatjelo kuSimakadze.”

Isaya 10:15

Lizembe liyatiphakamisa yini lona, libe ngetulu kwalowo lolijikitisako? Lona lisaha liyamhhongela yini lolisebentisako? Kube shangatsi umzaca bewungamjikitisa lowo lowuphetse nome sagila singamjikitisa lowo longesiso sigodvo!

Numeri 14:20

Simakadze wamphendvula watsi: “Sengibatsetselele, njengobe ucelile.

Tikhulu 7:2

Simakadze wakhuluma kuGideyoni, watsi: “Lamadvodza lohamba nawo manyenti kakhulu kutsi nginganikela emaMidiyani etandleni tawo, funa baka-Israyeli batishaye tifuba batsi: ‘Sitisindzise ngemandla etfu.’