Eksodusi 8:32 - Siswati 1996 Bible

³² Kodvwa Faro waphindze wenta inhlitiyo yakhe yaba lukhuni, wangete wabavumela kutsi bahambe.

Eksodusi 8:32 Referencias Cruzadas

Eksodusi 4:21

Simakadze wakhuluma kuMosi, watsi: “Nase ubuyele eGibhithe, ucaphele kutsi uyente embikwaFaro yonkhe lemimangaliso lengikunike emandla ekuyenta. Kodvwa ngiyawuyenta ibe lukhuni inhlitiyo yaFaro, ngako angeke asivumele sive sami kutsi sihambe.

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Eksodusi 8:31

Simakadze waphendvula Mosi ngekumnika leso sicelo sakhe. Watisusa letibawu kuFaro, nakuletiphatsimandla takhe, nasesiveni sakhe; akusalanga ngisho nome sinye nje sibawu.

Eksodusi 8:8

Faro wabita boMosi na-Aroni; befika, watsi kubo: “Thandazani kuSimakadze nimcele kutsi esuse letigogodvolo la kimi nakulesive sami. Ngitawube sengiyabakhulula labantfu benu bahambe, khona batawunikela imihlatjelo kuSimakadze.”

Eksodusi 9:7

Faro watfumela kuyawuhlola, wakhandza kute ngisho nasinye nje silwane sema-Israyeli lesasifile, noko wenta inhlitiyo yakhe yaba lukhuni, wangete wabakhulula kutsi bahambe.

Isaya 63:17

Awu Simakadze, usivumelelani kutsi seduke etindleleni takho, utenteleni kutsi tibe lukhuni tinhlitiyo tetfu, kuze singetikuhlonipha wena? Mane ubuye ngenca yetinceku takho, tive letilifa lakho.

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

1 Samuweli 6:6

Nitentelani tinhlitiyo tenu tibe lukhuni njengebaseGibhithe nanjengaFaro? Ngesikhatsi Nkulunkulu abahlupha kamatima, abazange yini bawakhulule ema-Israyeli kuze ahambe indlela yawo?