Eksodusi 8:22 - Siswati 1996 Bible

²² Kodvwa live laseGosheni, lapho kuhlala khona sive sami, ngitaliphephisa; bangeke bahlaselwe tibawu, khona utekwati kutsi mine, Simakadze, ngikhona kulelive.

Eksodusi 8:22 Referencias Cruzadas

Genesisi 46:34

nibomphendvula nitsi: ‘Tinceku takho tibelusi betinkhomo kusukela ebusheni bato kuze kube ngunyalo, tsine nabobabe betfu.’ Nanimlandzise kanjalo, utanivumela kutsi nakhe lapha eGosheni.” Phela Josefa abesho loku, ngobe emaGibhithe abewubukela phansi umsebenti wekwelusa.

Tihlabelelo 110:2

Intfonga yebukhosi bakho lobunemandla uyawuyelula wena, Simakadze, useSiyoni, utsi: “Busa wena emkhatsini wetitsa takho.”

Tihlabelelo 74:12

Noko wena, Nkulunkulu, uyiNkhosi yami kwasemandvulweni; nguwe lowenta insindziso emhlabeni.

Eksodusi 10:23

EmaGibhithe ehluleka kubonana, futsi kwabate umuntfu lowase waphuma lapho ahlala khona kulawo malanga lamatsatfu. Kodvwa ema-Israyeli abenekukhanya lapho abehleti khona.

Eksodusi 12:13

Lengati iyawuba luphawu kini, kuletindlu lenitawube ningekhatsi kwato. Nangibona lengati, ngiyakwengca, lesishayo singeke sehlele kini nangijezisa emaGibhithe.

Eksodusi 19:5

“ ‘Ngako-ke naniyawulilalela livi lami nigcine nesivumelwane sami, niyawuba ligugu lami emkhatsini wato tonkhe tive; ngobe wonkhe umhlaba wami.

Eksodusi 20:11

Ngemalanga lasitfupha Simakadze wadala lizulu nemhlaba, nelwandle nako konkhe lokukuko, waphumula ngelilanga lesikhombisa. Ngako-ke Simakadze walibusisa walingcwelisa lelilanga leliSabatha.

Eksodusi 7:17

Utsi-ke Simakadze: “Loku lengitakwenta ngiko lokutakwenta wati kutsi nginguSimakadze.” Ngitawushaya lamanti emfula iNayili ngalendvuku lesesandleni sami, bese-ke onkhe lamanti ayagucuka aba yingati.

Eksodusi 7:5

EmaGibhithe ngulapho ayawungati khona kutsi nginguSimakadze, nase ngelule sandla sami ngikhulula ema-Israyeli emkhatsini wawo.”

Eksodusi 8:10

Faro wamphendvula watsi: “Kusasa.” Mosi watsi: “Kulungile, nkhosi, kutakwenteka njengobe ufuna, kuze wati kutsi kute lofanana naSimakadze longuNkulunkulu wetfu.

Eksodusi 8:21

Nawungabakhululi bantfu bami kutsi bahambe, ngitawutfumela libulo letibawu kuwe, nakutiphatsimandla takho, nasesiveni sakho, nasetindlini takho. Tindlu temaGibhithe tiyawugcwala tibawu, tembese ngisho nelive lawo lonkhe.

Eksodusi 8:23

Ngitakwenta umehluko emkhatsini wesive sami nesive sakho. Lesishayo sitakwenteka kusasa loku lokusako.’ ”

Eksodusi 9:26

Sangcotfo asizange sehle eveni laseGosheni, lapho kwakuhlala khona ema-Israyeli.

Eksodusi 9:29

Mosi wakhuluma kuye watsi: “Ngitawutsi ngingaphuma la edolobheni, bese ngiphakamisa tandla tami ngithandaze kuSimakadze; lokudvuma kutawukhawula nalesangcotfo siphele, kuze wati kutsi umhlaba ngewaSimakadze.

Eksodusi 9:4

Ngitakwenta umehluko emkhatsini wetinkhomo tema-Israyeli netemaGibhithe. Kute nome sinye silwane lesitakufa lesisema-Israyeli.’ ”

Eksodusi 9:6

Ngakusasa Simakadze wakwenta loko abetsite utakwenta. Tonkhe tifuyo temaGibhithe tafa; kodvwa kute nome sinye sifuyo sema-Israyeli lesake safa.

Hezekeli 30:19

Ngako ngiyakwehlisela sijeziso eGibhithe, futsi bayawukwati kutsi mine nginguSimakadze.’ ”

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”