Eksodusi 6:6 - Siswati 1996 Bible

⁶ Ngako-ke tjela ema-Israyeli utsi: ‘NginguSimakadze; ngitanikhulula kulokugcilatwa kwenu ngemaGibhithe. Ngengalo yami leyelulekile nangetento temandla lengiyawubajezisa ngato ngiyawunephula kubo.

Eksodusi 6:6 Referencias Cruzadas

1 Emakhosi 8:42

ngobe bantfu batawuva ngeLibito lakho, lelikhulu kangaka, nangesandla sakho lesinemandla, nangengalo yakho leyelulekile, naketa-ke lona wetive atewuthandaza abheke kulelithempeli,

2 Emakhosi 17:36

Kodvwa Simakadze lowanikhipha eGibhithe ngemandla lamakhulu, nangengalo leyelulekile, nguye yedvwa lekufanele nimkhonte. Niyawukhotsama kuye, ninikele kuye ngemihlatjelo.

1 Tikhronike 17:21

Kona ngubani nje lonjengesive sakho, ema-Israyeli, sive lekukuphela kwaso emhlabeni Nkulunkulu lowaphuma wayakusikhulula kutsi sibe sive sakhe, watakhela wena Libito lelikhulu, wenta timangaliso letinkhulu naletishacisako ngekudvungulula tive ngetive embikwesive sakho lowasikhulula eGibhithe?

Nehemiya 1:10

“Batinceku takho nesive sakho lowasikhulula ngemandla akho lamakhulu nangesandla sakho lesinemandla.

Tihlabelelo 77:16

Emanti atsi kube abone wena, Nkulunkulu, atfutfumela, netinjolobela telwandle tachachatela.

Tihlabelelo 81:11

“Kepha sive sami asililalelanga livi lami. Israyeli akazange anginake.

Tihlabelelo 81:6

“Mine ngesusa umtfwalo emahlombe enu, nganiphumuta ekwetfwaleni kwenu titini.

Tihlabelelo 81:7

Nangibita nisebunzimeni nganephula, nganiphendvula ngingale kwemafu lahlomile, nganivivinya emitfonjeni yaseMeribha. Cabanga.

Eksodusi 1:11

Ngako-ke emaGibhithe agcilata ema-Israyeli ngekuwabekela tindvuna letatiwashayela njengetinkhabi, tiwahlupha ngekuwetfwesa imitfwalo lematima. Ema-Israyeli akhela boFaro iPhithomu neRamsesi lekwakutingungumadolobha.

Eksodusi 12:41

Tonkhe letive tema-Israyeli taphuma eveni laseGibhithe mhlazana kuhlangana leminyaka lengema-430.

Eksodusi 12:51

Simakadze wawakhipha ngalo lelo langa ema-Israyeli eGibhithe ngetive tawo.

Eksodusi 13:14

Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.

Eksodusi 13:16

Lelisiko liyawufanana nesibonakaliso lesiboshelwe esandleni sakho, kube luphawu ebuntini lakho; ngobe Simakadze wasikhipha eGibhithe ngesandla sakhe lesinemandla.”

Eksodusi 13:3

Mosi wakhuluma kubantfu, watsi: “Nibolikhumbula lelilanga leniphume ngalo eGibhithe, endlini yebugcili, ngobe Simakadze unikhiphe ngesandla sakhe lesinemandla kulendzawo. Ningasidli sinkhwa lesifakwe imbiliso.

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Eksodusi 16:6

Ngako-ke boMosi na-Aroni bakhuluma kuma-Israyeli onkhe, batsi: “Lamuhla kusihlwa nitawukwati kahle kutsi nguSimakadze lowanikhipha eveni laseGibhithe.

Eksodusi 18:1

Jethro, uyisetala waMosi, labengumphristi wakaMidiyani, weva ngako konkhe Nkulunkulu labekwentele Mosi kanye nesive sakhe ema-Israyeli, kutsi Simakadze wabakhipha kanjani eGibhithe.

Eksodusi 2:11

Kwatsi nasakhulile Mosi, wahamba wavakashela bantfu besive sakubo, emaHebheru; wabona indlela lababephocelelwa ngayo kutsi bente umsebenti lomatima. Wabona umGibhithe ashaya lomunye wesive sakubo, umHebheru.

Eksodusi 3:17

Sengincumile kutsi ngitanikhipha ekuhluphekeni kwenu kwaseGibhithe nginimikise eveni lemaKhenani, nemaHethi, nema-Amori, nemaPheresi, nemaHivi, nemaJebhusi, live leligcwele lubisi, neluju lwetinyosi.” ’

Eksodusi 3:8

Ngako-ke sengehlile kutebakhulula esandleni semaGibhithe nekubakhipha eveni laseGibhithe, ngibayise eveni lelibanti nalelivundzile, lelinelubisi neluju lwetinyosi. Lelive liyindzawo yemaKhenani, nemaHethi, nema-Amori, nemaPheresi, nemaHivi, nemaJebhusi.

Eksodusi 32:11

Kodvwa Mosi wancenga Simakadze longuNkulunkulu wakhe watsi: “Hhawu Simakadze, lulaka lwakho lusivutselelani lesive sakho lowasikhipha eveni laseGibhithe ngesandla sakho lesinemandla lamakhulu?

Eksodusi 6:2

Nkulunkulu wakhuluma kuMosi, watsi: “NginguSimakadze.

Eksodusi 6:29

watsi: “NginguSimakadze. Tjela Faro, inkhosi yaseGibhithe, konkhe loko lengikutjela kona.”

Eksodusi 6:8

Ngitaningenisa eveni njengobe ngafunga ngekuphakamisa tandla kutsi ngitalinika bo-Abrahama, na-Isaka, naJakobe. Ngitanipha lona libe live lenu. NginguSimakadze.’ ”

Eksodusi 7:4

Faro angeke anilalele, ngako-ke ngiyakwehlisela sandla sami eGibhithe, ngiyijezise kabuhlungu, ngikhiphe sive sami, bantfwana baka-Israyeli, eGibhithe.

Eksodusi 7:5

EmaGibhithe ngulapho ayawungati khona kutsi nginguSimakadze, nase ngelule sandla sami ngikhulula ema-Israyeli emkhatsini wawo.”

Isaya 9:12

EmaSiriya ngasemphumalanga nemaFilisti ngasenshonalanga, asakhamisele kushwabudzela ema-Israyeli. Noko ngako konkhe loku lulaka lwakhe alukagucuki; sandla sakhe sisephakeme.

Isaya 9:17

Ngako-ke Simakadze ngeke ajabule ngemajaha abo, futsi ngeke abadzabukele labo labangenaboyise kanye nebafelokati, ngobe bonkhe abanaNkulunkulu, futsi babi, bonkhe bakhuluma emanyala. Noko ngako konkhe loku, lulaka lwakhe alukagucuki, sandla sakhe sisephakeme.

Isaya 9:21

bakaManase bayawutondla ngebaka-Efrayimu, nebaka-Efrayimu batondle ngebakaManase, bonkhe bayawugucukela bakaJuda. Noko ngako konkhe loku, lulaka lwakhe alukagucuki, sandla sakhe sisephakeme.

Jeremiya 21:5

Mine matfupha ngiyakulwa nani ngesandla leselulekile, nangengalo lenemandla, nangentfukutselo, nangesikhahlo, nangelulaka lolukhulu.

Jeremiya 27:5

Ngemandla ami lamakhulu nangengalo yami leyelulekile, ngadala umhlaba kanye nebantfu labahlala kuwo kanye netilwane letikuwo, futsi ngiwunika nome ngubani lengimtsandzako.

Jeremiya 32:21

Wakhipha sive sakho ema-Israyeli eveni laseGibhithe ngetibonakaliso nangetimangaliso ngesandla sakho lesinemandla nangengalo yakho leyelulekile, nangekutfutfumelisa lokukhulu.

Hezekeli 20:33

“ ‘Ngifunga kuphila kwami, ngiyawubusa etikwenu ngesandla lesinemandla, nangemkhono locinile, nangekutfululelwa kwelulaka, kusho iNkhosi Simakadze.

Imisebenti yebaPhostoli 13:17

Nkulunkulu wesive saka-Israyeli wakhetsa bokhokho betfu, wabandzisa ngesikhatsi basahlala njengetihambi eveni laseGibhithe. Nkulunkulu wabakhipha eGibhithe ngemandla akhe lamangalisako.

Dutheronomi 11:2

Khumbulani-ke lamuhla kutsi bekungini, hhayi bantfwabenu, labakubona nalabakuva kujeziswa nekucondziswa nguSimakadze Nkulunkulu wenu: bukhosi bakhe, nesandla sakhe lesinemandla kanye nengalo yakhe leyelulekile,

Dutheronomi 15:15

Khumbula kutsi nawe wake waba sigcili eGibhithe, Simakadze Nkulunkulu wakho wakuhlenga. Nguko nje ngikunika lomyalo lamuhla.

Dutheronomi 26:8

Ngako Simakadze wasikhipha eGibhithe ngesandla lesinemandla, nangengalo leyelulekile, ngekutfutfumelisa lokukhulu nangetibonakaliso nangetimangaliso.

Dutheronomi 4:23

Caphelani ningasikhohlwa sivumelwane saSimakadze Nkulunkulu wenu lasenta nani. Ningatenteli sithico nome saluphi luhlobo Simakadze Nkulunkulu lanalele kutsi nisente.

Dutheronomi 4:34

Sikhona yini sithico lesake setama kutikhetsela sive emkhatsini waletinye tive ngetivivinyo, nangetibonakaliso letimangalisako, nangetimangaliso, nangemphi, nangesandla lesinemandla, nangengalo leyelulekile nome ngetento letinkhulu naletimangalisako, njengato tonkhe letintfo Simakadze Nkulunkulu wenu latenta kini eGibhithe emehlweni enu nibuka?

Dutheronomi 5:15

Khumbula kutsi nawe bewusigcili eGibhithe nekutsi Simakadze Nkulunkulu wakho wakukhipha lapho ngesandla lesinemandla nemkhono lowelulekile. Ngako-ke Simakadze Nkulunkulu wakho ukuyalile kutsi uligcine liSabatha.

Dutheronomi 6:12

nicaphele kutsi ningamkhohlwa Simakadze lowanikhipha eGibhithe, eveni lebugcili.

Dutheronomi 7:19

Natibonela nine ngewenu emehlo timangaliso letinkhulu netibonakaliso, nesandla lesinemandla leseluliwe, Simakadze Nkulunkulu wenu lanikhiphe ngaso. Simakadze Nkulunkulu wenu utakwenta njalo kuto tonkhe tive lenitesabako nyalo.

Dutheronomi 7:8

Kodvwa kwaya ngekutsi Simakadze wanitsandza wasigcina sifungo sakhe lasenta kubokhokho benu kutsi anikhiphe ngesandla lesinemandla, wanihlenga eveni lebugcili, nasemandleni aFaro, inkhosi yaseGibhithe.

Dutheronomi 9:29

Empeleni basive sakho lesilifa lakho, lowalikhipha ngemandla akho lamakhulu nangengalo yakho leyelulekile.’ ”