Eksodusi 6:20 - Siswati 1996 Bible

²⁰ Amramu watsatsa Jokhebedi, labengudzadzewaboyise; wamtalela Aroni naMosi. Amramu waphila wadzimate waba neminyaka leli-137 budzala.

Eksodusi 6:20 Referencias Cruzadas

1 Tikhronike 23:13

Emadvodzana a-Amramu: Bekubo-Aroni naMosi; Aroni wehlukaniselwa, yena kanye nentalelwane yakhe phakadze naphakadze kutsi bakhonte ngato tonkhe tintfo letingcwelengcwele tihlale tingcwele, bashise imphepho embikwaSimakadze, bakhonte ebukhoneni bakhe basho netibusiso ngeLibito lakhe phakadze naphakadze.

Eksodusi 6:16

Lawa ngemabito emadvodzana aLevi: bekuboGeshoni, naKhohati, naMerari; leyo-ke bekungimindeni yakaLevi. Levi waphila wadzimate waba neminyaka leli-137 budzala.

Eksodusi 6:18

Emadvodzana aKhohati bekubo-Amramu, naJisihari, naHebroni, na-Uziyeli. Khohati waphila wadzimate waba neminyaka leli-133 budzala.

Numeri 26:58

Naleti bekutinsendvo temaLevi: emaLibni, nemaHebroni, nemaMahali, nemaMushi, nemaKhora. Khohati abenguyisemkhulu wa-Amramu.

Numeri 26:59

Umka-Amramu bekunguJokhebedi, umtukulu waLevi lowatalelwa emndenini wemaLevi baseseGibhithe. Jokhebedi watalela Amramu bo-Aroni, naMosi kanye naMiriyamu, dzadzewabo.

Numeri 3:1

Leti titukulwane taka-Aroni naMosi ngesikhatsi Simakadze akhuluma naMosi eNtsabeni iSinayi.

Joshuwa 21:4

Inkatho yekucala yaba yemaKhohati, lusendvo ngelusendvo. EmaLevi labesitukulwane sa-Aroni, umphristi, abelwa emadolobha lali-13 esiveni sakaJuda, nesakaSimeyoni, nesakaBhenjamini.