Eksodusi 40:38 - Siswati 1996 Bible

³⁸ Kulo lonkhe luhambo lwabo lifu laSimakadze emini lalibonakala etikwalelithende lekukhontela, kutsi ebusuku libe ngumlilo lovutsako etikwalo, onkhe ema-Israyeli abuka.

Eksodusi 40:38 Referencias Cruzadas

2 Samuweli 7:6

Mine angizange sengihlale endlini kusukela ngelilanga lengakhipha ngalo ema-Israyeli eveni laseGibhithe kuze kube ngulamuhla. Bengisolo ngihamba tindzawo ngetindzawo, nelithende lekuhlangana kunguyonandlu yami lengihlala kuyo.

Tihlabelelo 105:39

Wendlala lifu, laba ngumpheme wekubambonya, wabentela umlilo wekubakhanyisela ebusuku.

Tihlabelelo 78:14

Emini abebahola ngelifu, kutsi ebusuku abahole ngemlilo.

Eksodusi 13:21

Emini Simakadze abehamba embikwabo ngensika yelifu abakhombisa indlela, bese kutsi ebusuku ahambe embikwabo ngensika yemlilo kuze abakhanyisele indlela, khona batewuhamba busuku nemini.

Eksodusi 13:22

Njalo nje emini insika yelifu yayiba sembikwabo, nasebusuku insika yemlilo yayingesuki embikwabo.

Numeri 10:34

Babetsi njalo nje nabatfutsako, lifu laSimakadze libesetikwabo emini.

Numeri 9:12

Kufanele kubete labakushiyela likusasa, kantsi nematsambo alo bangawephuli. Nabagubha loMkhosi weliPhasika, kufanele bayente yonkhe imitsetfo yalo.

Numeri 9:15

Ngelilanga lekumiswa kwelithende lekukhontela, lifu lalimbonya. Kusukela kusihlwa kwaze kwaba ngusekuseni lelifu lelalisetikwelithende lekukhontela, lalifanana nemlilo.

Numeri 9:16

Lalivamise kwenta njalo nje ngekutsi lelifu lilimbonye, bese kutsi ebusuku lifanane nemlilo.