Eksodusi 4:5 - Siswati 1996 Bible

⁵ Simakadze wachubeka watsi: “Uyakwenta loko-ke embikwema-Israyeli kuze akukholwe kutsi Simakadze, Nkulunkulu waboyihlomkhulu, Nkulunkulu wa-Abrahama, na-Isaka, naJakobe, utibonakalisile kuwe.”

Eksodusi 4:5 Referencias Cruzadas

Genesisi 12:7

Simakadze wabonakala ku-Abrama, watsi: “Lelive ngiyawulinika titukulwane takho.” Abrama wakhela Simakadze lilati, ngobe abebonakele lapho kuye.

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 18:1

Simakadze wabonakala ku-Abrahama ngasema-okhini aMamre, ahleti ngasemnyango welithende lakhe ngesikhatsi sekushisa kwelilanga.

Genesisi 26:2

Simakadze wabonakala ku-Isaka watsi: “Ungehleli eGibhithe. Ubohlala eveni lengitakukhombisa lona.

Genesisi 28:13

Simakadze abeme etikwalo; wakhuluma naye watsi: “NginguSimakadze, Nkulunkulu weyihlo Abrahama, naNkulunkulu wa-Isaka. Lelive lolele kulo ngiyawulinika wena kanye netitukulwane takho.

Genesisi 48:15

Jakobe wabe sewubusisa Josefa, watsi: “Shangatsi Nkulunkulu wabobabe, lowakhontwa bo-Abrahama na-Isaka, yena loNkulunkulu longihole kuyo yonkhe imphilo yami, kwaze kwaba ngulamuhla, angababusisa labafana.

Genesisi 48:3

Jakobe wakhuluma kuJosefa watsi: “Nkulunkulu Somandla wabonakala kimi eLuzi, eveni laseKhenani wangibusisa,

1 Emakhosi 18:36

Kwase kutsi ngesikhatsi semhlatjelo wakusihlwa Elija wasondzela ngaselatini wathandaza watsi: “Awu, Simakadze, Nkulunkulu wa-Abrahama, na-Isaka, na-Israyeli, akwatiwe lamuhla lapha kutsi wena unguNkulunkulu wema-Israyeli nekutsi mine ngiyinceku yakho, nekutsi tonkhe letintfo ngitente ngekuyalwa nguwe.

2 Tikhronike 20:20

Ekuseni ngeluvivi baphuma bacondza eHlane laseThekhowa. Batsi basaphuma, Jehoshafati wasukuma watsi: “Lalelani lapha kimi, nine bakaJuda nani sive saseJerusalema; kholwani Simakadze Nkulunkulu wetfu, nitawusimama. Kholwani loko lokushiwo baphrofethi bakhe, nitawuphumelela.”

Eksodusi 19:9

Simakadze wakhuluma kuMosi, watsi: “Ngitakwehla ngibesefini lelimnyama, khona bantfu batewungiva nangikhuluma nawe, bese bayakwetsemba njalo.” Mosi wase ukutjela Simakadze konkhe lokwakukhulunywe bantfu.

Eksodusi 3:15

Nkulunkulu waphindze watsi kuMosi: “Ubokhuluma kuma-Israyeli utsi: ‘Simakadze, Nkulunkulu wabokhokho benu, naNkulunkulu wabo-Abrahama, naNkulunkulu wa-Isaka, naNkulunkulu waJakobe, ungitfume kini.’ Leli-ke libito lami phakadze naphakadze, tonkhe titukulwane tiyawungibita kanjalo.

Eksodusi 3:16

Hamba uhlanganise baholi bema-Israyeli ndzawonye ukhulume kubo utsi: ‘Simakadze, Nkulunkulu waboyihlomkhulu, Nkulunkulu wabo-Abrahama, na-Isaka, naJakobe, ubonakele kimi, watsi: “Sengikubonile konkhe lokwentiwa ngemaGibhithe kini.

Eksodusi 3:18

“Bantfu bami batakulalela loko lokushoko. Wena-ke nebaholi bema-Israyeli nitawube seniya kuFaro, inkhosi yaseGibhithe, nifike nitsi: ‘Simakadze, Nkulunkulu wemaHebheru uhlangene natsi. Sicela kutsi usikhulule sitsatse luhambo lwemalanga lamatsatfu siye ehlane, kuze siyekwenta umhlatjelo kuSimakadze longuNkulunkulu wetfu.’

Eksodusi 3:4

Simakadze watsi kube abone kutsi Mosi uyaphambukela kutewubona, wamemeta watsi: “Mosi! Ye Mosi!” Mosi wasabela watsi: “Ngilapha!”

Eksodusi 3:6

NginguNkulunkulu wabokhokho bakho: Nkulunkulu wa-Abrahama, naNkulunkulu wa-Isaka, naNkulunkulu waJakobe.” Mosi wambonya buso bakhe, ngobe esaba kubukana naNkulunkulu.

Eksodusi 4:1

Mosi waphendvula Nkulunkulu watsi: “Ngitawutsini, nangitawutsi ngiyabatjela labantfu bangete bangikholwa bangangilaleli nekungilalela bangitjele batsi: ‘Nkulunkulu akaze abonakale kuwe’?”

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Eksodusi 4:4

Simakadze watsi kuMosi: “Yelula sandla sakho uyibambe ngemsila.” Ngako Mosi welula sandla sakhe wayibamba ngemsila, yagucuka yaba yindvuku futsi esandleni sakhe.

Isaya 7:9

Inhloko yaka-Efrayimu yiSamariya, nenhloko yeSamariya ngumsa waRemaliya kuphela. Naningakemi nacina ekukholweni kwenu, ningeke nisema nicinile.’ ”

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Johane 11:15

Ngiyanitfokotela kwati kutsi bengingekho kuye, kuze nikholwe; kepha asambeni siye kuye.”

Johane 11:42

Bengati mine kutsi uyangiva ngawo onkhe emalanga, kepha loko ngikukhulume ngenca yalabantfu labalapha, khona batekwati kutsi ngitfunywe nguwe.”

Johane 20:27

Jesu watsi kuTomase: “Faka umuno wakho la, ubone tandla tami; welule nesandla sakho, usifake emhlubulweni wami. Khawula kungakholwa, kodvwa bani ngulokholwako!”

Johane 20:31

Leti tibhalelwe kutsi nitewukholwa kutsi Jesu unguKhristu, iNdvodzana yaNkulunkulu, nekutsi ngekukholwa kwenu nibe nekuphila ngelibito lakhe.

Johane 5:36

Kepha nginebufakazi lobukhulu kunebaJohane, ngobe imisebenti Babe langinike yona kutsi ngiyente, yona lemisebenti lengiyentako iyangifakazela kutsi ngitfunywe nguBabe.

Imisebenti yebaPhostoli 7:2

Stefano waphendvula watsi: “Bazalwane, nani bobabe, lalelani kimi! Nkulunkulu weludvumo wabonakala kukhokho wetfu Abrahama asahlala eMesophothamiya, asengakatfutsi kuyakwakha eHarani,

KumaHebheru 11:16

Esikhundleni saloko, babelangatelela live lelincono, lokusho kutsi: lizulu. Ngako-ke Nkulunkulu akanamahloni kutibita ngekutsi nguNkulunkulu wabo, ngobe ubalungiselele lelo khaya.