Eksodusi 4:12 - Siswati 1996 Bible

¹² Hamba nyalo! Ngiyawukusita nase ukhuluma, ngikutjele kutsi utawukhuluma utsini.”

Eksodusi 4:12 Referencias Cruzadas

Tihlabelelo 105:26

Watfumela Mosi, inceku yakhe, wahamba na-Aroni labekhetfwe nguSimakadze.

Tihlabelelo 143:10

Ngifundzise kwenta intsandvo yakho, ngobe wena unguNkulunkulu wami. Moya wakho lomuhle akangiholele endleleni lebekile.

Tihlabelelo 32:9

Ningabi njengelihhashi nome umnyuzi kona lokungenakucondza kudzimate kucondziswe ngematomu.”

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Eksodusi 4:13

Kodvwa Mosi waphendvula watsi: “Awu, Nkhosi! Ngicela umane utfume lomunye.”

Eksodusi 4:15

Wena-ke ubokhuluma naye umtjele onkhe emagama lofanele kuwasho. Ngiyawunisita nobabili ekukhulumeni, nginitjele kutsi kufanele nenteni.

Eksodusi 4:16

Nguye lotakukhulumela kubantfu, abe ngumlomo wakho, wena ube njengaNkulunkulu kuye.

Isaya 49:2

Umlomo wami wawenta waba njengenkemba leloliwe, wangitfukusa emtfuntini wesandla sakhe; wangenta ngaba ngumcibisholo lololongiwe, wangivalela emgodleni wetikhali takhe.

Isaya 50:4

INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Jeremiya 1:9

Simakadze wase welula sandla sakhe watsintsa umlomo wami, watsi kimi: “Manje-ke, sengifake emavi ami emlonyeni wakho.

Numeri 16:28

Mosi wakhuluma watsi: “Niyawukwati ngaloku-ke kutsi nguSimakadze longitfumile; akusho kutsi ngitentela ingcondvo yami nje:

Makho 13:11

Nabanimikisa etinkantolo baninikele, ningahlupheki ngekucabanga kutsi niyawutsini, kodvwa shanoni loko leniyakuphiwa ngalowo mzuzu, ngobe kuyawube kungasesini leniyakube nikhuluma, kodvwa Moya Longcwele uyakukhuluma ngemilomo yenu.

Lukha 11:1

Ngalelinye lilanga Jesu abethandaza endzaweni letsite. Nasacedzile, lomunye webafundzi bakhe watsi kuye: “Nkhosi, sifundzise kuthandaza njengaJohane lowafundzisa bafundzi bakhe.”

Johane 14:26

Kepha uMeluleki, Moya Longcwele, Babe latamtfumela egameni lami, utanifundzisa konkhe, anikhumbute konkhe lenginitjele kona.

Kubase-Efesu 6:19

Ningithandazele nami, khona ngitewuphiwa livi, ngitsi nangivula umlomo wami ngiyishumayele ngaso sonkhe sibindzi imfihlakalo yeliVangeli.

Dutheronomi 18:18

Ngiyawubavusela umphrofethi lofanana nawe emkhatsini wabomnakabo. Ngiyawufaka emavi ami emlonyeni wakhe, uyawube sewubatjela konkhe loko lengimyala ngako.