Eksodusi 4:11 - Siswati 1996 Bible

¹¹ Simakadze watsi kuye: “Ngubani lowanika umuntfu umlomo? Ngubani lowenta umuntfu abe simungulu, nome sihhulu? Ngubani lowenta umuntfu abone nome abe yimphumphutse? Akusimi yini, mine Simakadze?

Eksodusi 4:11 Referencias Cruzadas

Genesisi 11:7

Wotani, sehle, siyewusanganisa lulwimi lwabo, khona bangetiwuvana.”

Genesisi 18:14

Kukhona yini lokungamehlula Simakadze? Njengobe sengishito, ngitawubuya la kuwe ngemnyaka lotako. Sara utawuba nendvodzana.”

Tihlabelelo 146:8

Simakadze uvula emehlo etimphumphutse, Simakadze uyabaphakamisa labatfotjisiwe, Simakadze uyabatsandza labalungile.

Tihlabelelo 51:15

Hhawu, Nkhosi, vula tindzebe temlomo wami, kuze ngivakalise ludvumo lwakho.

Tihlabelelo 94:9

Nguye lowadala indlebe, pho, angehluleka yini kuva? Nguye lowadala liso, pho, angehluleka yini kubona?

Taga 20:12

Simakadze usiphe emehlo ekubona netindlebe tekuva: kokubili kwentiwa nguye.

Isaya 42:7

uvule emehlo langaboni, ukhulule tiboshwa ejele, ubatfukulule emgodzini lolijele labo labahlala ebumnyameni.

Isaya 6:7

Lafike latsintsa umlomo wami ngalo, latsi: “Buka la, loku sekutsintse umlomo wakho, ngako licala lakho selesuliwe, nesono sakho sesihlawulelwe.”

Jeremiya 1:6

Mine ngaphendvula ngatsi: “Awu, Nkhosi Simakadze, mine angikwati kukhuluma; ngisengumntfwana.”

Jeremiya 1:9

Simakadze wase welula sandla sakhe watsintsa umlomo wami, watsi kimi: “Manje-ke, sengifake emavi ami emlonyeni wakho.

Hezekeli 33:22

Ngayitolo kusihlwa lendvodza isengakefiki, sandla saSimakadze sasisetikwami, wavula umlomo wami ekuseni lendvodza isengakefiki. Ngako umlomo wami wavuleka, ngangabe ngisabindza.

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?

Matewu 11:5

Timphumphutse setiyabona, tinchute netishosha setiyahamba, emalephelo ayahlanteka, tihhulu setiyeva, labafile bayavuswa, neliVangeli seliyashunyayelwa kulabamphofu.

Lukha 1:20

Kodvwa awukalikholwa livi lami, lelitawugcwaliseka ngesikhatsi lesifanele. Ngako-ke utawuba simungulu; uhlale ungakwati kukhuluma, kuze kufike lelo langa lekuyawugcwaliseka ngalo setsembiso sami.”

Lukha 1:64

Ngasona leso sikhatsi lulwimi lwaZakhariya lwatfukululeka, wakhuluma, wadvumisa Nkulunkulu.

Johane 10:21

Kodvwa labanye babo batsi: “Lamavi akusiwo emavi emuntfu lonelidimoni. Lidimoni lingawavula yini emehlo emphumphutse?”