Eksodusi 38:9 - Siswati 1996 Bible

⁹ Sibuya selithende lekuhlangana Besaleli wasakha ngetindvwangu letatilenga, takhiwe ngemitiya yelineni lecolisakele. Ngaseningizimu lesibuya sasingemamitha labengaba ngema-46 budze.

Eksodusi 38:9 Referencias Cruzadas

1 Emakhosi 6:36

Wakha sibuya sangekhatsi lesasinemitsandvo lemitsatfu yematje lalolongiwe, wakha nemtsandvo munye wetingodvo temsedari letatijutjwe kahle.

Tihlabelelo 100:4

Ngenani emasangweni akhe ngekubonga, nasetibuyeni tendlu yakhe ngekumdvumisa. Mbongeni, nidvumise libito lakhe.

Tihlabelelo 84:10

Ngobe lilanga linye etibuyeni tendlu yakho, lincono kunalayinkhulungwane lacitselwe ngaphandle. Ngingamane ngibe ngumlindzi wemnyango wendlu yaNkulunkulu, kunekutsi ngingahlala ngibuse emakhaya alababi.

Tihlabelelo 84:2

Umphefumulo wami ulangatelela emagceke akho, inhlitiyo yami nemtimba wami kuhlabela kumemete ngekujabula lokukhulu kuNkulunkulu lophilako.

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Tihlabelelo 92:13

Labo-ke banjengetihlahla letihlanyelwe endlini yaSimakadze, bachuma etibuyeni taNkulunkulu wetfu.

Eksodusi 26:1

“Lingekhatsi lelithende lekukhontela ubolakha ngetindvwangu letilishumi. Ubotenta ngemitiya yelineni leyephotselwe ngalokucolisakele nangensontfo leluhlata njengesibhakabhaka, nangalebukhwebeletane, nangalebovu ngalokutopele, loko ngukuhlobise ngemakherubhi; kube ngumsebenti wengcweti lenebuciko.

Eksodusi 38:10

Lesibuya sasinetinsika letatingema-20, timiswe emasekweni elitfusi langema-20, emahhuka nemigcala yetinsika leyayentiwe ngesiliva.

Eksodusi 40:33

Mosi wakha sibuya, satungeleta lithende lekukhontela nelilati ndzawo tonkhe, walengisa indvwangu emnyango wesibuya. Ngako-ke Mosi wawucedza wonkhe umsebenti.

Eksodusi 40:8

Sibuya ubosakha, ufake nendvwangu ilenge emnyango waso.

Numeri 3:26

netindvwangu tasesibuyeni, nendvwangu lesekungeneni kwesibuya lesitungelete indzawo lengcwele, nelilati, netindophi, nako konkhe lokuhambisana nako.

Numeri 4:26

netindvwangu tesibuya, nendvwangu lesekungeneni kwesibuya lesitungeleta lithende lekukhontela nelilati, netintsambo tato, nato tonkhe timphahla letisetjentiswa ekukhonteni, babuye bente konkhe lokudzinga kwentiwa macondzana nato.