Eksodusi 38:26 - Siswati 1996 Bible

²⁶ Ngulowo nalowo labengene elubalweni abekhipha sikalo lesisemtsetfweni, kusukela eminyakeni lengema-20 budzala kuye etulu: kwakungemadvodza lati-603 550 lebengenele lolubalo.

Eksodusi 38:26 Referencias Cruzadas

Eksodusi 12:37

Ema-Israyeli aphuma eRamsesi; ahamba aze efika eSukhothi. Emadvodza labekhona lapho ahamba ngetinyawo abengaba ti-600 000 ngaphandle kwebafati nebantfwana.

Eksodusi 30:12

“Nawenta lubalo lwema-Israyeli, ngulowo nalowo kufanele akhiphe inhlawulo yemphilo yakhe ngesikhatsi ubabala, khona angetikwehlelwa sishayo, nasangene elubalweni.

Eksodusi 30:13

Ngulowo nalowo muntfu lowewelela kulabo lesebabaliwe kufanele akhiphe imali lekalwe nalejutjwe ngalokusemtsetfweni, lowo mnikelo awukhiphe kimi.

Eksodusi 38:27

Isiliva lenesisindvo lesasingemakhilogremu labengaba ti-3 400 yasetjentiswa ekwakheni emaseko lalikhulu elithende lelingcwele kanye newendvwangu yalo. Isiliva yalelo nalelo seko yayinesisindvo lesasingemakhilogremu labengaba ngema-34.

Numeri 1:2

“Yentani lubalo lwaso sonkhe sive saka-Israyeli, lusendvo ngelusendvo, nemindeni ngemindeni, nibabhalise ngetindlu taboyise onkhe emadvodza ngemabito awo, ngayinye ngayinye,

Numeri 1:3

kusukela kulasebaneminyaka lengema-20 kuya etulu, onkhe emadvodza aka-Israyeli lase angalungela kuya emphini, wena na-Aroni niyakuwabala ngeticheme tawo.

Numeri 1:46

Bunyenti bawo asawonkhe aba ti-603 550.

Numeri 2:32

Onkhe lawa ngema-Israyeli labalwa ngemindeni yawo. Onkhe lawa labesetinkambu ngeticheme tawo aba ti-603 550.

Numeri 26:2

“Yentani lubalo lwaso sonkhe sive sema-Israyeli ngemindeni yaso, kusukela kulabaneminyaka lengema-20 budzala kuya etulu, bonkhe lasebangalungela kungenela imphi esiveni saka-Israyeli.”

Numeri 26:51

Asawonkhe emadvodza esive saka-Israyeli labalwa abeti-601 730.

Matewu 17:24

Batsi kube befike eKhaphanawume, Jesu kanye nebafundzi bakhe, labo lababutsa umtselo welithempeli beta babuta kuPhetro batsi: “Umfundzisi wenu uyawukhipha yini umtselo welithempeli?”