Eksodusi 38:24 - Siswati 1996 Bible

²⁴ Igolide yonkhe leyayisetjentiswe ekwakheni lithende lelingcwele leyayinikelwe, yayinesisindvo lesasingemakhilogremu labengaba yinkhulungwane, ngesikalo lesisemtsetfweni.

Eksodusi 38:24 Referencias Cruzadas

Eksodusi 25:2

“Khuluma esiveni saka-Israyeli kutsi asingiletsele umnikelo, ukhishwe ngibo bonkhe bantfu labanenhlitiyo levumako, wena uwemukele egameni lami.

Eksodusi 29:24

Konkhe lokudla kwetfule etandleni ta-Aroni nasetandleni temadvodzana akhe, bakujikitisele kimi njengemnikelo lojikitiselwe kuSimakadze.

Eksodusi 30:24

nemakhilogremu langaba sitfupha ekhasiya; konkhe kukalwe ngesikalo lesisemtsetfweni. Ubengeta emalitha langaba mane emafutsa emncumo,

Eksodusi 35:22

Beta bonkhe lababenetinhlitiyo letivumako, labadvuna nalabasikati: baletsa tonkhe tinhlobo temhlobiso, letatentiwe ngegolide, baletsa ticobosho temhlobiso, nemacici, netindandatho, nebuhlalu bekwegaba. Bonkhe baletsa igolide yabo, kwaba ngumnikelo wekujikitiswa kuSimakadze.

Levithikusi 27:25

“ ‘Yonkhe inhlawulo iyawubasemtsetfweni, kusetjentiswe silinganiso sasendzaweni lengcwele.

Levithikusi 27:3

lomdvuna loneminyaka lesemkhatsini kwalengema-20 kuya kulengema-60 budzala, kuyawuba tinhlavu tesiliva letingaba ngema-50 ngekwesilinganiso lesisemtsetfweni.

Levithikusi 5:15

“Nangabe umuntfu ona ngekwephula munye walemiyalo lengcwele yaSimakadze angakacondzi, kufanele ahlawule kuSimakadze ngesihhanca lesingenasiyela. Bungako balesihhanca buyawubonwa nguwe ngekwesilinganiso sendzawo lengcwele; lowo-ke ngumnikelo loyinhlawulo yelicala.

Hagayi 2:8

‘Isiliva yami, negolide ngeyami,’ kusho Simakadze longuSomandla.

Numeri 18:16

Kufanele kutsi angaba nenyanga budzala, bese niyawahlenga ngaleyo ntsengo yesihlengo setinhlavu tesiliva letisihlanu ngekwesilinganiso lesisemtsetfweni.

Numeri 3:47

Uyawukhipha emagremu esiliva langaba ngema-55 litubulo lilinye njengekwesimiso lesisemtsetfweni, endzaweni lengcwele, lesingemagremu langaba li-12.