Eksodusi 38:21 - Siswati 1996 Bible

²¹ Nalu luhla lwebungako betintfo letatisetjentiswa ekwakheni lithende lekukhontela laSimakadze, lapho kwakuhlala khona tibhelekeca tematje letimbili letatibhalwe imiyalo lelishumi. Mosi wayala kutsi loluhla lwetimphahla lubhalwe ngemaLevi labephetfwe ngu-Ithamari, umsa wa-Aroni, umphristi.

Eksodusi 38:21 Referencias Cruzadas

1 Tikhronike 6:3

Bantfwana ba-Amramu bekubo-Aroni, naMosi kanye naMiriyamu. Emadvodzana a-Aroni bekuboNadabi, na-Abihu, na-Eleyazare kanye na-Ithamari.

2 Tikhronike 24:6

Ngako inkhosi yabita Jehoyada, umPhristi Lomkhulu, yatsi kuye: “Awukawatjeli ngani emaLevi kutsi aletse umtselo lophuma kaJuda naseJerusalema lowasungulwa nguMosi, inceku yaSimakadze, kanye nenhlanganiso yema-Israyeli kutsi ube welithende lebufakazi?”

Jobe 11:4

Ukhuluma kuNkulunkulu utsi: ‘Timfundziso tami atinasici, futsi ngimsulwa kuwe.’

Jobe 22:23

Nawubuyela kuSomandla, utawusitakala: Nawususa bubi, ububeke khashane nendlu yakho,

Jobe 26:1

Jobe waphendvula, watsi:

Tihlabelelo 15:1

Simakadze! Ngubani longaba nemvume yekungenisa ahlale ethempelini lakho, acabe umuti wakhe entsabeni yakho lengcwele?

Eksodusi 25:16

Ekhatsi kwalelibhokisi ubofaka letibhelekeca tematje letimbili lengitakunika tona.

Eksodusi 26:33

Lendvwangu uboyikhaceka kulamahhuka lavalekako laseluphahleni, bese uletsa lelibhokisi lesivumelwane lelinetibhelekeca letimbili tematje, ulifake ngemuva kwalendvwangu. Lendvwangu itakwehlukanisa indzawo lengcwele endzaweni lengcwelengcwele.

Eksodusi 38:20

Tonkhe tiphunti telithende lekukhontela kanye netesibuya salo tatentiwe ngelitfusi.

Eksodusi 38:22

Besaleli, umsa wa-Uri, lotalwa nguHure, wesive sakaJuda, wakwenta konkhe loko Simakadze labekushito kuMosi.

Eksodusi 40:3

Ekhatsi kwalo ubobeka libhokisi lesivumelwane lelinemiyalo lelishumi, bese ulivimba ngendvwangu embikwalo.

Eksodusi 6:23

Aroni watsatsa Elisheba, indvodzakati ya-Aminadabi, dzadzewaboNasoni. Wamtalela Nadabi, na-Abihu, na-Eleyazare, na-Ithamari.

Numeri 1:50

Esikhundleni saloko, beka emaLevi kutsi aphatse lelithende lesivumelwane nako konkhe lokukulo lokuhambisana nalo. Kufanele etfwale lelithende nato tonkhe timphahla letihambisana nalo; yebo, kufanele alinakekele, ente inkonzo kulo, akambe emathende awo alitungelete.

Numeri 1:53

EmaLevi wona emathende awo ayakuwamisa awatungeletise lithende lesivumelwane, khona lulaka lwami lungetikwehlela etikwesive sema-Israyeli. Kuyawuba ngumsebenti wemaLevi kunakekela nekuphatsa lithende lesivumelwane.”

Numeri 10:11

Mhlazana tingema-20, enyangeni yesibili, emnyakeni wesibili, lifu lelalisetikwelithende lesivumelwane laphakama.

Numeri 18:2

Letsa bomnakenu labangemaLevi esiveni seyihlo batewuhlangana nawe bakusite ngesikhatsi wena nemadvodzana akho nikhonta ethendeni lebufakazi.

Numeri 24:5

Maye mahle emathende akho, sive sakaJakobe, emakhaya lapho uhlala khona, Israyeli!

Numeri 9:15

Ngelilanga lekumiswa kwelithende lekukhontela, lifu lalimbonya. Kusukela kusihlwa kwaze kwaba ngusekuseni lelifu lelalisetikwelithende lekukhontela, lalifanana nemlilo.

Matewu 17:4

Ngako Phetro watsi kuJesu: “Nkhosi, kuhle lokuba lapha kwetfu; nawutsandza ngitakwakha emathende lamatsatfu lapha: lelinye libe lakho, lelinye libe laMosi, lelinye libe la-Elija.”

Imisebenti yebaPhostoli 7:44

“Bokhokho betfu babenelithende lapho kwakuhlala khona Nkulunkulu emkhatsini wabo ehlane. Lalentiwe njengobe Mosi abetjelwe nguNkulunkulu kutsi alente, Mosi walenta ngalendlela abekhonjiswe yona.

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

KumaHebheru 8:2

Nguye losikhonti endzaweni lengcwele, ethendeni lekuhlangana, lelingilo sibili lelakhiwa yiNkhosi, hhayi ngumuntfu.

KumaHebheru 9:11

Kodvwa Khristu sewufike waba ngumPhristi Lomkhulu wetintfo letinhle lebetiyawufika. Lelithende lekuhlangana, lakhonta kulo, likhulu, kantsi futsi liphelele, alisilo lelakhiwe ngetandla, lokusho kutsi alisilo lalomhlaba lodaliwe.

2 yaPhetro 1:13

Ngikubona kufanele, yingci ngisekhona kulomtimba, kwekutsi nginivusetele ngekunikhumbuta;

Sembulo 11:19

Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.

Sembulo 15:5

Emvakwaloko ngatsi ngiyabuka ngabona lithempeli lasezulwini livuleka, linelithende lebukhona baNkulunkulu ekhatsi kwalo.

Sembulo 21:3

Ngeva livi liphuma esihlalweni sebukhosi limemeta kakhulu litsi: “Nalo likhaya laNkulunkulu likubantfu. Nkulunkulu utawuhlala emkhatsini wabo, bona babe bantfu bakhe. Nkulunkulu cobo lwakhe uyawuhlala nabo, abe nguNkulunkulu wabo.