Eksodusi 35:21 - Siswati 1996 Bible

²¹ Ngulowo nalowo lonelikhono kanye nabo bonkhe labatsintseka etinhlitiyweni nasemoyeni wabo baletsa umnikelo kuSimakadze wekutsi usetjentiswe ethendeni lekuhlangana nasekukhonteni kanye nasekwelukeni tembatfo letingcwele.

Eksodusi 35:21 Referencias Cruzadas

2 Samuweli 7:27

“Awu, Simakadze longuSomandla, Nkulunkulu wema-Israyeli, ukwembulile loku encekwini yakho, watsi: ‘Ngiyakwakhela indlu.’ Ngako inceku yakho ikhutsatekile kutsi inikele ngalomkhuleko kuwe.

1 Tikhronike 28:2

Inkhosi Davide yasukuma yema ngetinyawo, yatsi: “Lalelani kimi, nine bomnaketfu nesive sakitsi. Bekuvele kusenhlitiyweni yami kutsi ngakhe indlu letawuba yindzawo lapho kutawuphumula khona libhokisi lesivumelwane saSimakadze, senabelo setinyawo taNkulunkulu wetfu; lawo malungiselelo bese ngivele ngiwentile.

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

1 Tikhronike 29:14

“Empeleni mine bengingubani, sona sive sami besiyini kutsi besingakhona kunikela kakhulu kangaka? Konkhe kuphuma kuwe, natsi sikunike kona loko lokuphuma esandleni sakho.

1 Tikhronike 29:3

Ngetulu kwako konkhe loko, nami ngekutilahla kwami ematsambo senginikela ngegolide yami nesiliva yami kulomsebenti wekwakhiwa kwelithempeli laNkulunkulu wami; kantsi ngetulu kwako konkhe loko futsi sengilungisele lelithempeli lelingcwele:

1 Tikhronike 29:8

Bonkhe labo lababenematje laligugu banikela ngawo engcebeni yelithempeli laSimakadze leyayenganyelwe nguJehiyeli, umGeshoni.

1 Tikhronike 29:9

Sive sajabula kakhulu, nasibona baholi baso banikela ngenhlitiyo levumako, ngobe bebanikela ngenkhululeko nangenhlitiyo yabo yonkhe kuSimakadze. NaDavide, inkhosi, wajabula kakhulu.

Ezra 2:68

Batsi nabefika endlini yaSimakadze eJerusalema, labanye baholi bemindeni bakhipha iminikelo yesihle ekwakhiweni kabusha kwendlu yaSimakadze lapho yayime khona.

Ezra 7:27

Ezra wakhuluma watsi: “Akadvunyiswe Simakadze, Nkulunkulu wabobabe, lokubekile enhlitiyweni yenkhosi kutsi kuhlonishwe indlu yaSimakadze eJerusalema ngalendlela,

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Eksodusi 25:2

“Khuluma esiveni saka-Israyeli kutsi asingiletsele umnikelo, ukhishwe ngibo bonkhe bantfu labanenhlitiyo levumako, wena uwemukele egameni lami.

Eksodusi 35:20

Onkhe ema-Israyeli esuka kuMosi, ahamba.

Eksodusi 35:22

Beta bonkhe lababenetinhlitiyo letivumako, labadvuna nalabasikati: baletsa tonkhe tinhlobo temhlobiso, letatentiwe ngegolide, baletsa ticobosho temhlobiso, nemacici, netindandatho, nebuhlalu bekwegaba. Bonkhe baletsa igolide yabo, kwaba ngumnikelo wekujikitiswa kuSimakadze.

Eksodusi 35:26

Bonkhe labasikati lababenetinhlitiyo letitsintsekile lababenelikhono bephotsa boya betimbuti.

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Eksodusi 35:5

Tsatselani Simakadze umnikelo kuloko leninako. Wonkhe lonenhlitiyo levumako akaletse umnikelo kuSimakadze: umnikelo wegolide, newesiliva, newelitfusi,

Eksodusi 36:2

Mosi wabita Besaleli, na-Oholiyabi, nawo onkhe emadvodza labenelikhono nalabephiwe nguSimakadze bungcweti nekuhlakanipha nalabetimisele kuwenta lomsebenti.

Taga 4:23

Ngetulu kwako konkhe londvolota inhlitiyo yakho ngekunakekela konkhe, ngobe kuyo kugeleta tiyalu tekuphila.

Jeremiya 30:21

Umholi wabo kuyawuba ngulomunye wesive sabo; umbusi wabo uyawuvela emkhatsini wabo. Ngiyakumsondzeta, naye uyawuvele asondzele kimi, ngobe vele ngubani lowake watinikela yena, abesedvute nami?’ kusho Simakadze.

Matewu 12:34

Nine, ntalo yetinyoka, ningakukhuluma kanjani lokuhle nine nibabi kangaka nje? Ngobe umlomo ukhuluma loko lokugcwele enhlitiyweni.

2 kubaseKorinthe 8:12

Nangabe umuntfu atimisele ngekunikela, akukabhekeki kutsi anikele ngaloko late kona, kodvwa ubhekeke kunikela ngaloko lanako.

2 kubaseKorinthe 9:7

Lowo nalowo akatincumele yena enhlitiyweni yakhe kutsi utawunikela kangakanani, bese unikela ngekukhululeka, hhayi ngekusola nangekucindzetelwa. Nkulunkulu utsandza umuntfu lonikela ngenhlitiyo lemhlophe.

Tikhulu 5:12

“Vuka, vuka, Debhora! Vuka, vuka uhlabele ingoma! Sukuma, Bharaki! Tfumba batfunjwa bakho, wena msa wa-Abinowami.

Tikhulu 5:3

“Lalelani lapha, nine makhosi! Lalelani nani babusi. Ngiyakuhlabela kuSimakadze. Ngiyakuhlabela ngidvumise Simakadze, Nkulunkulu wema-Israyeli.

Tikhulu 5:9

Inhlitiyo yami ikubaholi baka-Israyeli, yebo, ikulabo labatinikele emkhatsini wesive. Dvumisani Simakadze!