Eksodusi 34:7 - Siswati 1996 Bible

⁷ ubentela umusa labatinkhulungwane, atsetselele emaphutsa, nalokubi, netono. Kodvwa ngingeke ngihlale ngingamjezisi lonelicala; ngijezisa bantfwana nebatukulu ngetono tebatali babo, kuze kufikele esitukulwaneni sesitsatfu nesesine.”

Eksodusi 34:7 Referencias Cruzadas

Genesisi 19:16

Kepha Loti wabina; ngako-ke ngobe Simakadze waba nesihawu kuye, lamadvodza lamabili ababamba ngetandla, yena nemkakhe kanye nemadvodzakati akhe abakhiphela ngaphandle kwalelidolobha.

1 Emakhosi 8:30

Vani kuncusa kwenceku yakho kanye nekwesive sakho sema-Israyeli, nasithandaza sibheke kulendzawo. Vani usetulu ezulwini, indzawo yakho yekuhlala, ubotsi ungeva, bese uyatsetselela.

1 Emakhosi 8:32

ubova usetulu ezulwini, bese uyenta. Yehlulela emkhatsini wetinceku takho, ulahle leyonile ngelicala, wehlisele etikwayo loko lekwentile, usho kulengenacala kutsi ite licala, ububeke ebaleni bumsulwa bayo.

2 Tikhronike 30:9

Nanibuyela kuSimakadze, labomnakenu nebantfwabenu batawutfola sihawu kulabatfumbi babo, bese babuya kulelive, ngobe Simakadze Nkulunkulu wenu unemusa nebubele. Angeke anifulatsele, nanibuyela kuye.”

Nehemiya 1:5

ngase ngitsi: “Awu, Simakadze, Nkulunkulu welizulu, wena unguNkulunkulu lomkhulu nalowesabekako, logcina sivumelwane sakhe selutsandvo kulabo labamtsandzako nalabagcina imiyalo yakhe.

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Jobe 10:14

Kube ngake ngona, ngabe wawungibukile, futsi bewungeke ungiyekele ungangijezisi.

Tihlabelelo 103:3

Ungitsetselela lonkhe licala letono tami angelaphe tonkhe tifo tami.

Tihlabelelo 109:14

Shangatsi Simakadze angakhumbula bubi baboyise, nesono senina singete sesulwa.

Tihlabelelo 130:4

Kodvwa wena uyasitsetselela, kuze sitewuhlala ngekukwesaba.

Tihlabelelo 136:10

Nguye lowabhubhisa ematubulo aseGibhithe, ngobe umusa wakhe ume kuze kube phakadze.

Tihlabelelo 136:15

Wacitsa Faro nemphi yakhe ngalo, ngobe umusa wakhe ume kuze kube phakadze.

Tihlabelelo 25:11

Simakadze, ngenca yelibito lakho ngitsetselele kona kwami, ngobe kukhulu.

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 99:8

Yebo, Simakadze, Nkulunkulu wetfu, wabaphendvula wena, waba nguNkulunkulu lotsetselelako kubo, noko wabajezisa ngenca yetono tabo.

Eksodusi 23:21

Yilaleleni, niyihloniphe, ningayivukeli; ngobe ingeke initsetselele naniyivukela, ngobe libito lami likuyo nje.

Eksodusi 23:7

Ungacali kubeka licala ngemanga. Umuntfu lote licala nalolungile ungambulali, ngobe loyawukwenta njalo uyakubulawa ngimi.

Eksodusi 33:19

Simakadze waphendvula watsi: “Ngitakwenta kutsi inkhatimulo yebuhle bami bendlule embikwakho ngimemetele libito lami, Simakadze. Ngimentela umusa lowo lengimentela umusa, ngimhawukele lowo lengimhawukelako.

Eksodusi 34:9

Wakhuluma watsi: “Simakadze, nangabe ngizuze umusa emehlweni akho, ngicela kutsi uhambe natsi, nome sisive lesinenhloko lelukhuni. Tsetselela kona netono tetfu, usente sibe lifa lakho.”

Isaya 45:21

Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.

Jeremiya 30:11

Nginawe, futsi ngiyawukusindzisa. Noko ngiyatibhubhisa ngiticedze tonkhe letinye tive, lebengikusakatele kuto, kodvwa wena ngingeke ngikubhubhise ngikucedze. Ngiyawukujezisa ngikucondzise noko ngekwehlulela ngebucotfo bemtsetfo, ngingeke ngikuyekele uhambe nje ungasashaywa nawonile,’ kusho Simakadze.

Jeremiya 32:18

Ubaphatsa ngelutsandvo labatinkhulungwane, kodvwa wehlisele sijeziso ngetono taboyise ematsangeni ebantfwababo emvakwabo. Awu Nkulunkulu, wena lomkhulu nalonemandla, lolibito lakhe kunguSimakadze longuSomandla,

Jeremiya 9:24

Kodvwa lowo lotigabatisako akatigabatise ngaloku: Kwekutsi uyangicondza, futsi uyangati mine, kutsi nginguSimakadze lophatsana ngemusa, ehlulele ngekwemtsetfocotfo, abuse nangekulunga emhlabeni, ngobe ngiyajabula-ke kuloko,” kusho Simakadze.

Danyela 9:4

Ngathandaza kuSimakadze Nkulunkulu wami ngivuma tono ngitsi: “Awu Simakadze, wena unguNkulunkulu lomkhulu nalowesabekako, logcina sivumelwane sakhe nelutsandvo kubo bonkhe labamtsandzako bente imiyalo yakhe,

Danyela 9:9

Simakadze Nkulunkulu wetfu unemusa nekutsetselela, nome nje sihlubukile kuye;

Mikha 6:11

“Ngingabatsetselela kanjani bantfu labasebentisa tikali ngebucili netisindvo letiphambene nemtsetfo?

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Nahume 1:6

Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.

Matewu 12:31

Ngaloko-ke ngitsi kini: Bantfu bayawutsetselelwa tonkhe tono kanye nekuhlambalata, kepha kuhlambalata Moya Longcwele kungeke kutsetselelwe.

Matewu 6:12

Sitsetselele tono tetfu, njengobe natsi sibatsetselela labasonako.

Lukha 7:42

Atsi kube ehluleke omabili kuyibuyisa lemali yakhe, wawacolela. Nguyiphi emkhatsini wawo leyamtsandza kakhulu?”

Lukha 7:48

Wase utsi kulomfati: “Tono takho titsetselelwe.”

Imisebenti yebaPhostoli 13:38

“Ngako-ke, bazalwane, akwateke kini kutsi ngaye lowo muntfu kutsetselelwa kwetono kuyashunyayelwa kini; nekutsi ngaye wonkhe lokholwa kuye uyakhululwa etonweni takhe labengeke akhululeke kuto ngemtsetfo waMosi.

Imisebenti yebaPhostoli 5:31

Nkulunkulu wamenyusela ngasesandleni sakhe sekudla njengeMholi neMsindzisi, kuze anike bantfu baka-Israyeli litfuba lekuphendvuka, kutsetselelwe tono tabo.

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Kubase-Efesu 4:32

Kodvwa phatsanani ngebumnene, nihawukelane, nitsetselelane, njengobe naNkulunkulu wanitsetselela ngaKhristu.

Dutheronomi 32:35

Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”

Dutheronomi 7:10

kodvwa labo labamtondzako uyawuphindzisela kubo yena matfupha ngekubabhubhisa; angeke alibale kuphindzisela kubo babukile labo labamtondzako.

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

KumaHebheru 12:29

ngobe loNkulunkulu wetfu ungumlilo locotfulako.

Joshuwa 24:19

Joshuwa wakhuluma kulabantfu, watsi: “Ningeke nikhone kukhonta Simakadze. Nkulunkulu ungcwele; unguNkulunkulu lonesikhwele. Angeke akutsetselele kumhlubuka kwenu netono tenu.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”