Eksodusi 34:4 - Siswati 1996 Bible

⁴ Ngako-ke Mosi watibata letibhelekeca letimbili tematje, tafanana netekucala; wavuka lokwa ngeluvivi ngakusasa wenyuka iNtsaba iSinayi aphetse leto tibhelekeca letimbili ngetandla takhe, njengobe Simakadze abemyalile.

Eksodusi 34:4 Referencias Cruzadas

Eksodusi 19:20

Simakadze wehlela esicongweni seNtsaba iSinayi, wabita Mosi kutsi akenyuke ete kuye; nembala Mosi wenyuka.

Eksodusi 19:3

Mosi wakhuphuka waya kuNkulunkulu. Simakadze asetulu entsabeni wambita watsi: “Ubokhuluma esiveni saJakobe, ema-Israyeli, utsi:

Eksodusi 32:16

Letibhelekeca tematje tatibatwe nguNkulunkulu, tabhalwa nguye ngekuticopha ngesandla sakhe.

Eksodusi 34:1

Simakadze wakhuluma kuMosi, watsi: “Bata tibhelekeca letimbili tematje letifanana naleta takucala. Ngitawubhala kuto wona lawo mavi labesetibhelekeceni tekucala lowatiphihlita.

Dutheronomi 10:1

“Ngaleso sikhatsi Simakadze wakhuluma kimi, watsi: ‘Bata tibhelekeca letimbili tematje letifanana naleta takucala, bese wenyuka nato uta lapha kimi etulu entsabeni. Yakha nelibhokisi ngemapulango.

Dutheronomi 10:3

“Ngako lelo bhokisi ngavele ngalakha ngemgamba, ngabata naleto tibhelekeca letimbili tematje, tafanana netekucala, ngenyuka ngaya etulu entsabeni ngiphetse leto tibhelekeca letimbili ngetandla tami.