Eksodusi 34:28 - Siswati 1996 Bible

²⁸ Mosi wahlala naSimakadze emalanga langema-40 nebusuku bawo; abengadli anganatsi. Wawabhala kuletibhelekeca tematje emavi alesivumelwane, laba ngimiyalo lelishumi.

Eksodusi 34:28 Referencias Cruzadas

1 Emakhosi 19:8

Ngako wavuka, wadla, wanatsa; loko kwamnika emandla ekuhamba emalanga langema-40 nebusuku lobungema-40, waze wefika eNtsabeni yaNkulunkulu, eSinayi.

Eksodusi 24:18

Mosi wangena kulelifu, wenyuka waya entsabeni. Wahlala lapho emalanga langema-40 kanye nebusuku bawo.

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Eksodusi 32:16

Letibhelekeca tematje tatibatwe nguNkulunkulu, tabhalwa nguye ngekuticopha ngesandla sakhe.

Eksodusi 34:1

Simakadze wakhuluma kuMosi, watsi: “Bata tibhelekeca letimbili tematje letifanana naleta takucala. Ngitawubhala kuto wona lawo mavi labesetibhelekeceni tekucala lowatiphihlita.

Eksodusi 34:10

Simakadze wakhuluma kuMosi, watsi: “Ngenta sivumelwane-ke manje. Ngitakwenta imimangaliso embikwaso sonkhe sive sakho, lengazange seyentiwe emhlabeni nome ngukusiphi sive. Tonkhe tive lohlala emkhatsini wato tiyawubona tintfo letinkhulu letitakwentiwa ngimi, mine Simakadze, ngobe ngitanentela tintfo letesabekako emehlweni ato.

Matewu 4:2

Asazilile kudla emalanga langema-40 nebusuku bakhona, wase uyalamba.

Lukha 4:2

lapho alingwa nguSathane emalanga langema-40. Abengadli lutfo kulawo malanga, kodvwa indlala wayiva ekupheleni kwawo.

2 kubaseKorinthe 3:7

Inkonzo yemtsetfo lobhalwe etibhelekeceni tematje igcine iletse kufa noko yeta ngeludvumo, kangangekutsi baka-Israyeli abazange bakhone kubuka buso baMosi ngenca yenkhatimulo yayo, nome yabuye yaphela.

Dutheronomi 10:10

“Ngahlala entsabeni emalanga langema-40 nebusuku bawo, njengobe ngangente njalo kwekucala; Simakadze waphindza wangilalela futsi nangaleso sikhatsi. Bekungesiyo intsandvo yakhe kutsi anibhubhise.

Dutheronomi 10:5

Ngabe sengiyancandzeka, ngehla, ngabeka letibhelekeca tematje ebhokisini lesivumelwane lengase ngilentile, njengobe Simakadze abengiyalile, namanje tisekhona lapho.”

Dutheronomi 4:13

Wetfula kini sivumelwane sakhe semiyalo lelishumi laniyala kutsi nihambe ngayo, wase uyibhala phansi etibhelekeceni letimbili tematje.

Dutheronomi 9:18

“Ngaphindza ngatitfoba ngakhotsama kuSimakadze futsi emalanga langema-40 nebusuku lobungema-40; ngangingadli kudla nginganatsi nemanti, ngenca yato tonkhe tono lenase nitentile, ngekwenta lokubi kuSimakadze, ngaloko namcunula, wase uyatfukutsela.

Dutheronomi 9:25

“Ngawa phansi ngakhotsamisa buso bami embikwaSimakadze kuwo onkhe lamalanga langema-40 nebusuku lobungema-40, ngobe Simakadze abetsite utanibhubhisa.

Dutheronomi 9:9

Ngesikhatsi ngenyukela etulu entsabeni kuyawukwemukela tibhelekeca tematje lekwakutibhelekeca tesivumelwane Simakadze lasenta nani, ngahlala entsabeni emalanga langema-40 nebusuku lobungema-40; ngangingadli kudla, nginganatsi manti.