Eksodusi 34:13 - Siswati 1996 Bible

¹³ Emalati abo nibowabhidlita, nephule tinsika tawo tematje, nibhidlite konkhe kwalo-Ashera longunkulunkulukati wabo.

Eksodusi 34:13 Referencias Cruzadas

1 Emakhosi 14:15

Simakadze utawushaya sive saka-Israyeli, size sifanane nemhlanga loveveteliswa ngumoya emantini. Uyawusiphula lesive saka-Israyeli kulelive lelihle lalipha bokhokho baso, bese usisakatela ngesheya kweMfula iYufrathe, ngobe sicunule Simakadze samtfukutselisa ngekwakha tinsika ta-Ashera.

2 Emakhosi 10:27

Balibhubhisa lelitje laBhali lekwakutsiwa lingcwele, babhidlita nalelithempeli laBhali. Bantfu balisebentisa njengemthoyi kusukela ngalelo langa kuze kube ngulamuhla.

2 Emakhosi 18:4

Wadzilita tindzawo letiphakeme tekukhontela tithico, wabhidlita tithicomatje, wagawula tinsika tabo-Ashera, waphahlata inyoka yelitfusi leyayakhiwe nguMosi, ngobe kwaze kwaba ngungaleso sikhatsi solomane ema-Israyeli atfuncisa imphepho kuyo, kwakutsiwa nguNehushtani libito layo.

2 Emakhosi 23:14

Josaya waphahlata ematje lekwakutsiwa angcwele, wagumula tinsika ta-Ashera, wasakata ematsambo ebantfu kuleto tindzawo.

2 Tikhronike 14:3

Wesusa onkhe emalati etive kanye netindzawo letiphakeme, wabhidlita nematje lababetsi angcwele, wagawula netinsika ta-Ashera.

2 Tikhronike 15:16

Inkhosi Asa yaphindze yehlisa gogo wayo, Makha, esikhundleni sebundlovukazi, ngobe abakhe insika ya-Ashera leyayisinengiso. Asa wageca lensika wayijuba ticucu, wayishisela eSigodzini saseKhidroni.

2 Tikhronike 17:6

Inhlitiyo yakhe yayitinikele etindleleni taSimakadze, ngetulu kwaloko wesusa tonkhe tindzawo letiphakeme tekukhontela tithico kanye netinsika ta-Ashera kaJuda.

2 Tikhronike 24:18

Balishiya lithempeli laSimakadze, Nkulunkulu waboyisemkhulu, bakhonta tinsika tabo-Ashera netithico. Ngenca yalelo cala labo lulaka lwaNkulunkulu lwehlela etikwaJuda nasetikweJerusalema.

2 Tikhronike 31:1

Kwatsi kube kuphele konkhe loko, ema-Israyeli labekhona lapho aphumela kuwo onkhe emadolobha akaJuda, abhidlita ematje lekwakutsiwa angcwele, agawula naletinsika ta-Ashera, atilahla phansi. Abhubhisa naletindzawo letiphakeme tekukhontela tithico kanye nemalati kulo lonkhe lakaJuda nelakaBhenjamini, nelaka-Efrayimu kanye nelakaManase. Kwatsi nase bakubhubhise konkhe loko baka-Israyeli, base babuyela bonkhe emadolobheni abo nasemafeni abo.

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

Eksodusi 23:24

Ningabakhotsameli bonkulunkulu babo, ningabakhonti, ningayenti nemikhuba yabo yekukhonta. Bonkulunkulu babo nibobabhidlita kanye netinsika tabo tematje.

Isaya 17:8

Bangeke basabuka emalatini, lekungimisebenti yetandla tabo, futsi bangeke basatihlupha ngekunaka tinsika ta-Ashera nemalati emphepho labentiwa ngimino yabo.

Isaya 27:9

Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.

Jeremiya 17:2

Ngisho nebantfwababo bakhumbula emalati abo netinsika tabo-Ashera, eceleni kwetihlahla letendlala emagala ato, nasemagcumeni laphakeme,

Mikha 5:14

Ngiyawudzephuna tonkhe tinsika tesithicokati lesingu-Ashera eveni lakho, ngibhidlite emadolobha akho.

Numeri 33:52

niboticosha nitikhiphe tonkhe letive lenitatikhandza khona. Nibotibhubhisa tonkhe letitfombe tato, netithico tato letibatiwe kanye netindzawo tato letiphakeme tekukhontela.

Dutheronomi 16:21

“Aniyikumisa ngisho nayinye insika ya-Ashera welugodvo eceleni kwelilati lenilakhele Simakadze Nkulunkulu wenu,

Dutheronomi 16:22

ningayimbeli nimise ngisho nensikalitje lekutsiwa ingcwele, ngobe nguloko Simakadze Nkulunkulu wenu lakutondzako.”

Dutheronomi 7:5

Naku-ke lenitakwenta kuto: Bhidlitani emalati ato, nephule netinsikamatje tato lekutsiwa tingcwele, nijube tinsika tato tabo-Ashera losithicokati sabo, nishise netithico tato ngemlilo.

Tikhulu 2:2

Nani aniyikusenta sivumelwane nebantfu bakulelive, kodvwa niyakuwabhidlita emalati abo.’ Noko nine anikangilaleli. Nikwenteleni loku?

Tikhulu 6:25

Ngabona lobo busuku Simakadze wakhuluma kuGideyoni, watsi: “Tsatsa inkunzi yesibili emhlambini wetinkhomo teyihlo, akube nguleyo leneminyaka lesikhombisa budzala. Bhidlita lilati leyihlo laBhali, ujube insika ya-Ashera leseceleni kwalo,

Tikhulu 6:26

bese wakha lilati sibili laSimakadze Nkulunkulu wakho esicongweni salendvundvuma. Sebentisa tinkhuni tensika ya-Ashera loyijubile ibe tinkhuni ekunikeleni inkunzi yesibili kutsi ibe ngumnikelo wekushiswa.”