Eksodusi 34:10 - Siswati 1996 Bible

¹⁰ Simakadze wakhuluma kuMosi, watsi: “Ngenta sivumelwane-ke manje. Ngitakwenta imimangaliso embikwaso sonkhe sive sakho, lengazange seyentiwe emhlabeni nome ngukusiphi sive. Tonkhe tive lohlala emkhatsini wato tiyawubona tintfo letinkhulu letitakwentiwa ngimi, mine Simakadze, ngobe ngitanentela tintfo letesabekako emehlweni ato.

Eksodusi 34:10 Referencias Cruzadas

2 Samuweli 7:23

Kona ngubani nje lonjengesive sakho, ema-Israyeli, sive lekukuphela kwaso emhlabeni Nkulunkulu lowaphuma wayakusikhulula kutsi sibe sive sakhe, atakhele libito lelikhulu, watakwenta timangaliso letinkhulu naletishacisako ngekudvungulula tive ngetive kanye nabonkulunkulu bato embikwesive sakho lowasikhulula eGibhithe?

Tihlabelelo 106:22

lekwakuyimisebenti lemangalisako eveni lakaHhamu, netintfo letesabekako ngaseLwandle Lolubovu.

Tihlabelelo 136:4

Nguye yedvwa lowenta timangaliso letinkhulu, ngobe umusa wakhe ume kuze kube phakadze.

Tihlabelelo 145:6

Bantfu bayawubabata bukhulu bemandla akho, nami ngibabate bukhulu bakho.

Tihlabelelo 147:20

Kute sive lake wenta njalo kuso, kute sive lesake sati timiso takhe. Haleluya, dvumisani Simakadze.

Tihlabelelo 65:5

Usiphendvule ngemisebenti lemangalisako, wena Sokulunga; wena unguNkulunkulu wensindziso yetfu. Bonkhe bantfu emhlabeni wonkhe, nangesheya kwetilwandle, betsembele kuwe.

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Tihlabelelo 66:5

Wotani nitewubona lokwentiwe nguNkulunkulu, wente lokwesabekako emkhatsini webantfu.

Tihlabelelo 68:35

Uyesabeka, Nkulunkulu, endzaweni yakho lengcwele. Nkulunkulu wema-Israyeli, nguwe lonika bantfu emandla nekucina. Akadvunyiswe Nkulunkulu!

Tihlabelelo 72:18

Akabongwe Simakadze, Nkulunkulu, nguye longuNkulunkulu wema-Israyeli, nguye yedvwa lowenta timangaliso.

Tihlabelelo 76:12

Nguye lotfobisa tikhulu, uyesabeka emakhosini emhlaba.

Tihlabelelo 77:14

UnguNkulunkulu lowenta timanga, lobonakalise emandla akhe emkhatsini wetive.

Tihlabelelo 78:12

Wenta timangaliso embikwabokhokho babo, endzaweni yaseSowani eveni laseGibhithe.

Eksodusi 34:27

Simakadze wakhuluma kuMosi, watsi: “Wabhale lamavi, ngobe lesivumelwane lesengisente nawe nema-Israyeli sisime kulamavi.”

Eksodusi 34:28

Mosi wahlala naSimakadze emalanga langema-40 nebusuku bawo; abengadli anganatsi. Wawabhala kuletibhelekeca tematje emavi alesivumelwane, laba ngimiyalo lelishumi.

Isaya 64:3

Ngobe watsi nawenta tintfo letesabekako lesasingazange sitilindzele, wehla, tintsaba tatfutfumela embikwakho.

Jeremiya 32:21

Wakhipha sive sakho ema-Israyeli eveni laseGibhithe ngetibonakaliso nangetimangaliso ngesandla sakho lesinemandla nangengalo yakho leyelulekile, nangekutfutfumelisa lokukhulu.

Mikha 7:15

Sentele timangaliso, Simakadze, njengobe wenta emalangeni ekusikhipha kwakho eGibhithe.

Dutheronomi 10:21

LoNkulunkulu nguye loludvumo lwenu, nguye lowanentela leto tintfo letinkhulu netimangaliso letesabekako, lenatibonela nine ngewenu emehlo.

Dutheronomi 32:30

Kodvwa indvodza yinye ingawacosha kanjani emadvodza layinkhulungwane, nome-ke lamabili acoshe emadvodza latinkhulungwane letilishumi, ngaphandle kwekutsi Lidvwala labo libatsengisile, ngaphandle kwekutsi Simakadze ubanikele kubo?

Dutheronomi 4:13

Wetfula kini sivumelwane sakhe semiyalo lelishumi laniyala kutsi nihambe ngayo, wase uyibhala phansi etibhelekeceni letimbili tematje.

Dutheronomi 9:19

Ngesaba intfukutselo nelulaka lwaSimakadze, ngobe watfukutsela waze wafuna kunibhubhisa anicedze nonkhe. Kodvwa Simakadze waphindza wangilalela.

Joshuwa 6:20

Atsi kube emacilongo akhale kakhulu, sive sonkhe samemeta kakhulu. Satsi kube sive sonkhe sive kukhala kwelicilongo, samemeta, lubondza lwelidolobha lwahhihlikela phansi; ngako nguleyo naleyo ndvodza yangena yacondza ekhatsi, balidla lidolobha.