Eksodusi 33:18 - Siswati 1996 Bible

¹⁸ Mosi wakhuluma watsi: “Ngicela ungikhombise inkhatimulo yebukhosi bakho.”

Eksodusi 33:18 Referencias Cruzadas

Tihlabelelo 4:6

Labanyenti batsi: “Ngubani longasentela tintfo letinhle?” Simakadze, sikhanyisele ngebukhona bakho.

Tihlabelelo 63:3

Ngobe umusa wakho uncono kakhulu kunekuphila; umlomo wami uyawukudvumisa.

Eksodusi 33:20

Kodvwa ungeke ububone buso bami, ngobe kute umuntfu longabona buso bami abuye aphile.

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 14:21

“Lowo lonemiyalo yami futsi ayigcine, nguye-ke longitsandzako. Lowo lotsandza mine uyawutsandvwa nguBabe, nami ngiyawumtsandza ngitibonakalise kuye.”

2 kubaseKorinthe 3:18

Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

1 kuThimothi 6:16

Nguye yedvwa longabhubhi lohlala ekukhanyeni lekungasondzeleki kuko, longazange asabonwe ngumuntfu, nalongeke abonwe ngumuntfu. Kuye akube ludvumo nemandla aphakadze. Amen.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.