Eksodusi 32:4 - Siswati 1996 Bible

⁴ Wawatsatsa wawancibilikisa, wase ubumba litfole lelidvuna legolide. Bantfu bamemeta batsi: “Israyeli! Nangu-ke nkulunkulu wakho lowakukhipha eveni laseGibhithe!”

Eksodusi 32:4 Referencias Cruzadas

1 Emakhosi 12:28

Asatfole seluleko, Jerobowamu, inkhosi, wabumba ematfole lamabili egolide. Wakhuluma esiveni watsi: “Kumatima kini lokutsi nibohle nikhuphukela eJerusalema. Naba bonkulunkulu benu-ke, ma-Israyeli, labanikhipha eGibhithe.”

1 Emakhosi 12:32

Jerobowamu wasungula umkhosi welilanga leli-15 lenyanga yesiphohlongo njengalowa lowawentiwa kaJuda, wanikela nangemihlatjelo elatini. Loko abekwentela eBetheli, anikela kulamatfole labewabumbile. EBetheli nakhona waphindza wabeka baphristi etindzaweni letiphakeme labesatakhile.

2 Emakhosi 10:20

Jehu watsi: “Memetelani umhlangano kutewukhunjulwa Bhali.” Ngako bawumemetela.

2 Emakhosi 10:29

Noko akazange agucuke etonweni taJerobowamu, umsa waNebati, labedvonsele ngato sive sema-Israyeli ekoneni lekwakukukhonta litfole legolide eBetheli nakaDani.

2 Tikhronike 11:15

Wavele watibekela baphristi bakhe betindzawo letiphakeme nebetithico labetentile tinesimo sembuti nelinkhonyane.

2 Tikhronike 13:8

“Nyalo senitimisele kuphambana nembuso waSimakadze, losetandleni tetitukulwane taDavide. Vele, nine mabutfo lamakhulu kabi, kantsi futsi ninalamatfole egolide lenentelwa wona nguJerobowamu kutsi abe tithico tenu.

Nehemiya 9:18

kwala nome sebatibumbele sitfombe selitfole baze batsi: ‘Lona ngunkulunkulu wenu lowanikhipha eGibhithe,’ kwala nome sebakuhlambalate ngalokwesabekako lokubi kangakanani.

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Eksodusi 20:23

Ningatenteli tithico tesiliva nome tegolide ningibhice nato, bese nikhonta tona njengobe nikhonta mine.

Eksodusi 20:4

“Ungatenteli sithico, nome umfanekiso walokusezulwini etulu, nome walokusemhlabeni phansi nome walokusemantini ngaphansi kwemhlaba.

Eksodusi 28:11

Funa umuntfu lonelikhono lekubhala ngekucopha lamatje lamabili, acophe emabito emadvodzana aka-Israyeli; lamatje abowahlobisa ngegolide lapha emaphetselweni.

Eksodusi 28:9

Ubotsatsa ematje lamabili e-oniksi, uwabhale ngekucopha emabito emadvodzana a-Israyeli lali-12,

Eksodusi 32:1

Batsi kube bantfu babone kutsi Mosi sewutsetse sikhatsi lesidze angasehli entsabeni, babutsana ndzawonye beta ku-Aroni bakhuluma kuye batsi: “Kota, usentele nkulunkulu lotawuhamba embikwetfu, ngobe phela asati kutsi sekwente njani kulendvodza lenguMosi leyasikhipha eveni laseGibhithe.”

Eksodusi 32:24

Mine ngatsi kubo: ‘Wonkhe lonegolide akayiletse lapha kimi.’ Ngako banginika igolide, ngayifaka emlilweni, kwase kuphuma nali litfole lelidvuna.”

Eksodusi 32:3

Ngako bonkhe bantfu bakhipha emacici abo etindlebeni tabo, bawaletsa ku-Aroni.

Eksodusi 32:35

Ngako Simakadze watfumela sifo kubantfu, ngobe babecindzetele Aroni kutsi ababumbele litfole legolide.

Eksodusi 32:5

Watsi kube Aroni akubone loku, wase wakha lilati embikwalelitfole, wamemetela watsi: “Kusasa kutawuba nesibhimbi sekudvumisa Simakadze.”

Eksodusi 32:7

Simakadze wakhuluma kuMosi watsi: “Ncandzeka wewuke, ngobe labantfu bakho lowabakhipha eveni laseGibhithe sebonakele.

Eksodusi 32:8

Sebaphambuke ngekushesha kuloko lengabayala ngako; sebancibilikise igolide benta litfole lelidvuna. Balikhotsamela balikhonta, badzimate batsi: ‘Israyeli! Nangu-ke nkulunkulu wakho lowakukhipha eveni laseGibhithe.’ ”

Isaya 30:22

Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”

Isaya 46:6

Labanye batfulula igolide etikhwameni tabo, balinganise isiliva etikalini tabo, bacashe umbumbi wetegolide kutsi abentele kube sithico, bese baguca kuso basikhonte.

Hezekeli 23:8

Akazange akuyekele kugwadla labekucale eGibhithe, lekwatsi ngesikhatsi sebusha bakhe emadvodza alala naye, amphiciketa khona tingono tebutjitji bakhe, atfululela inkhanuko yawo kuye.

Hoseya 10:5

Bantfu labahlala eSamariya bayalesabela, lelitfole lelisithico saseBhethi Aveni. Bantfu balo bayawulililela, kanjalo nebaphristi balo labalikhontako, labo lababetsakasele inkhatimulo yalo yegolide, bayawulililela ngobe itsatfwe kubo yayiswa ekutfunjweni.

Hoseya 13:2

Manje bachubeka nako kona; batentela tithico ngesiliva yabo, titfombe letakhiwe ngekuhlakanipha lokukhulu. Konkhe kungumsebenti wencondzi yetekubata. “Benta imihlatjelo ngebantfu bange letithico letimise kwematfole.”

Imisebenti yebaPhostoli 17:29

“Njengobe singumliba wakhe, akukafaneli kutsi sicabange kutsi simo saNkulunkulu sifanana negolide nome nesiliva nome nelitje lokungumsebenti lobatwe ngebungcweti nangekucabanga kwemuntfu.

Imisebenti yebaPhostoli 7:41

Ngulapho-ke benta khona sitfombe lesaba nesimo lesinjengeselitfole, base banikela imihlatjelo kuso, benta lidzili badvumisa lobekungumsebenti wetandla tabo.

1 kubaseKorinthe 10:7

Futsi ningabi ngulabakhonta tithico njengalabanye babo, nanjengobe kubhaliwe kutsi: “Bantfu bahlala phansi balibala kudla nekunatsa, batsi besuka lapho basukuma bagidza.”

Dutheronomi 9:16

Ngatsi nangibuka, ngabona kutsi senonile kuSimakadze Nkulunkulu wenu; senitentele sithico senu, nasibumba saba nesimo selitfole. Nase nisheshe niyaphambuka endleleni Simakadze labeniyale kutsi nihambe ngayo.

Tikhulu 8:24

Wachubeka watsi: “Kunye lengikucelako, kutsi ngulowo nalowo angiphe licici esabelweni senu semphango.” Bekulisiko lema-Ishmayeli kufaka emacici egolide.

Tikhulu 8:27

Gideyoni wenta sidziya segolide, wasibeka edolobheni lakubo i-Ofra. Onkhe ema-Israyeli eta aphinga ngekukhonta sona; loko kwaba lugibe kuGideyoni kanye nemndeni wakhe.