Eksodusi 32:32 - Siswati 1996 Bible

³² Kodvwa ngiyakucela umane ubatsetselele; nangabe awubatsetseleli, kuncono nami wesule libito lami encwadzini yakho loyibhalile.”

Eksodusi 32:32 Referencias Cruzadas

2 Samuweli 18:33

Inkhosi yehlulwa buhlungu. Yasukuma yakhuphukela ekamelweni lelalingetulu kwelisango yayawukhala khona. Isakhuphuka, yayihambe ikhala itsi: “Awu, ndvodzana yami, Absalomu! Ndvodzana yami, ndvodzana yami, Absalomu! Kube kufane kwafa mine esikhundleni sakho! Awu, Absalomu, ndvodzana yami, ndvodzana yami!”

Tihlabelelo 139:16

Wangibona ngiselihlwili. Onkhe emalanga ami abhalwa encwadzini yakho, ajutjwa, lisengakefiki nalinye lawo.

Tihlabelelo 56:8

Wena ukucaphele kubaleka kwami, yetsa tinyembeti tami egabheni lakho, atikabhalwa yini encwadzini yakho?

Tihlabelelo 69:28

Abesulwe encwadzini yekuphila, bangabhaliswa ndzawonye nalabalungile.

Eksodusi 32:10

Ngako-ke ase ungiyekele kutsi lulaka lwami lutewubahashula lubabhubhise. Wena-ke ngitakwenta ube sive lesikhulu.”

Isaya 4:3

Labo labashiyiwe eSiyoni, labasasele eJerusalema, bayawubitwa ngekutsi ngulabangcwele, bonkhe labo labayawube babhaliswe nalabaphila eJerusalema.

Hezekeli 13:9

Sandla sami siyawumelana nebaphrofethi lababona imibono leyinkhohliso, baphengule lokungemanga. Bangeke babe belibandla lebantfu bami nome babhaliswe etincwadzini tebantfu bendlu yaka-Israyeli, futsi bangeke bangene eveni lema-Israyeli. Ngulapho-ke niyawungati khona kutsi mine ngiyiNkhosi Simakadze.

Danyela 12:1

“Ngaleso sikhatsi Mikhayeli, ingilosi lenkhulu lengumvikeli wesive sakini, uyawuvela. Kuyawuba sikhatsi sekuhlupheka lokukhulu, lesingazange sesibe khona, seloku kwacala kuba netive kuze kube nguleso sikhatsi. Kodvwa ngaleso sikhatsi, bonkhe bantfu bakini lekwatfolakala emabito abo abhaliwe encwadzini yaNkulunkulu, bayawukhululwa.

Amose 7:2

Satsi kube sikudle konkhe lokuluhlata eveni, ngakhala kakhulu ngatsi: “Nkhosi Simakadze, cola! Jakobe angasindza kanjani? Mncane kakhulu!”

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

Malakhi 3:17

Simakadze longuSomandla utsi: “Bayawuba bami ngelilanga lengiyawulungisa ngalo konkhe, babe bantfu bami labaligugu lami. Ngiyawubaphephisa njengendvodza nayiphephisa indvodzana yayo leyisebentelako.

Numeri 11:15

Nangabe utangiphatsa kanjena, ngiyacela kutsi usale sewungibulala khona manje nje, nangizuze umusa ebusweni bakho, khona ngingasayiwuphindze ngibone lusizi lwami.”

Numeri 11:25

Simakadze wase uyehla asekhatsi efini, wakhuluma naye. Wase utsatsa lokunye kwaMoya lokwakukuMosi, wakubeka etikwalabaholi labangema-70. Watsi kube Moya ahlale etikwalabaholi, baphrofetha, kodvwa abazange baphindze baphrofethe.

Numeri 14:19

Njengobe wena, Simakadze, unelutsandvo lolukhulu, tsetselela sono salabantfu njengobe bewusolo ubatsetselela, kusukela besuka eGibhithe kuze kube ngunyalo.”

Lukha 10:20

Ningajabuli ngobe imimoya lemibi initfobela; kodvwa jabulani kutsi emabito enu abhaliwe ezulwini.”

Lukha 23:34

[Jesu watsi: “Batsetselele, Babe; abakwati labakwentako.”] Behlukaniselana timphahla takhe ngekwenta inkatho.

KubaseRoma 9:3

ngebazalwane bami labayingati yami ngekwebuve. Bengingafisa kutsi lokungenani ngibe ngulocalekisiwe nome ngisuswe kuKhristu kube loko bekungaba lusito kubo.

Dutheronomi 25:19

Uyawutsi Simakadze Nkulunkulu wenu anganipha kuthula, kutsi hhamu kuhlaselwa nguletitsa tenu letinitungeletile kulelive lanipha lona kutsi nilidle libe lifa lenu, niyawulesula libito la-Amaleki lingaphindzi likhunjulwe ngaphansi kwemtfunti welilanga. Ningakhohlwa.”

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

Dutheronomi 9:14

Ase ungiyekele, khona ngitewubabhubhisa ngesule nelibito labo ngaphansi kwelizulu. Wena ngitakwenta ube sive lesinemandla nalesikhulu kunabo.’

KubaseFiliphi 4:3

Yebo, ngiyakuncusa nawe, mhlobo wami locotfo, lengiboshelwe kanye naye, yelekelela labo bafati, ngobe babambisene nami eVangelini, kanye naKlemente naletinye tisebenti lengibambisene nato, emabito ato labhaliwe encwadzini yekuphila.

Sembulo 17:8

Lesilo losibonile sake saphila, kodvwa nyalo asisaphili; sesitawuphuma kulomgodzi longenamkhawulo siye ekubhujisweni. Bantfu labakhe emhlabeni labamabito abo langabhalwanga encwadzini yekuphila, seloku kwasekelwa umhlaba, bayawumangala, nababona lesilo, ngobe sasiphila, kodvwa nyalo asisaphili, noko siyawuphindze sivele.

Sembulo 21:27

Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.

Sembulo 22:19

Nakukhona lowaphungulako lamavi alesiphrofetho lesikulencwadzi, naNkulunkulu uyawuphungula sabelo sakhe esihlahleni sekuphila nasekhaya lelingcwele, njengobe sekuchaziwe kulencwadzi.

Sembulo 3:5

“ ‘Lowo loncobako uyakwembatsiswa tingubo letimhlophe, nelibito lakhe ngingeke ngilesule encwadzini yekuphila. Ngiyawumfakazela embikwaBabe nasembikwetingilosi takhe kutsi wami.