Eksodusi 32:30 - Siswati 1996 Bible

³⁰ Ngakusasa Mosi wakhuluma kubantfu, watsi: “Nente sono lesikhulu lesesabekako. Kodvwa sengitakwenyuka ngiye kuSimakadze entsabeni; mhlawumbe nginganentela inhlawulo yekubuyisana kuSimakadze ngalokona kwenu.”

Eksodusi 32:30 Referencias Cruzadas

2 Samuweli 12:9

Uledzeleleleni livi laSimakadze ngekwenta lokubi emehlweni akhe? Ubulele Uriya, umHethi, ngenkemba, wabe sewutsatsa umkakhe wamenta umkakho. Umbulele ngenkemba yema-Amoni.

2 Samuweli 16:12

Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”

2 Emakhosi 17:21

Kwatsi ngesikhatsi adzabula baka-Israyeli emndenini wakaDavide, besuka babeka Jerobowamu, umsa waNebati, kutsi abe yinkhosi yabo. Jerobowamu wasihuha sive saka-Israyeli, wasiphambukisa ekulandzeleni Simakadze, wasentisa sono lesikhulu.

Tihlabelelo 99:6

BoMosi kanye na-Aroni baba ngulabanye bebaphristi bakhe. Samuweli abengulomunye walabo bebabita libito lakhe. Bakhala kuSimakadze, wabaphendvula.

Eksodusi 32:29

Mosi wakhuluma kumaLevi watsi: “Lamuhla senitehlukanisele Simakadze ngentsengo yekubulala lowo nalowo indvodzana yakhe nemnakabo. Ngako-ke lamuhla sewunibusisile.”

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Jona 3:9

Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Numeri 16:47

Ngako Aroni naye watsatsela etulu njengekusho kwaMosi, waphutfuma emkhatsini walesicumbi, sabe sesingenile sesibacalile sifo, watsela imphepho kulesitja sakhe wabentela inhlawulo yekubuyisana naSimakadze.

Numeri 25:13

Yena netitukulwane takhe batawuba nesivumelwane sebuphristi baphakadze naphakadze, ngobe waba nenshisekelo yekugcina ludvumo lwami, wenta inhlawulo yekubuyisana kwesive sonkhe sema-Israyeli nami.”

Lukha 15:18

Ngitawuhamba ngiye kubabe ngitsi kuye: “Babe, ngonile kuNkulunkulu nakuwe.

Lukha 7:47

“Ngako-ke ngikutjela ngitsi: Tono takhe lebetitinyenti setitsetselelwe, ngobe unelutsandvo lolukhulu, kodvwa lowo lotsetselelwe lokuncane, utsandza kancane.”

KubaseRoma 9:3

ngebazalwane bami labayingati yami ngekwebuve. Bengingafisa kutsi lokungenani ngibe ngulocalekisiwe nome ngisuswe kuKhristu kube loko bekungaba lusito kubo.

KubaseGalathiya 3:13

Khristu wasihlenga esicalekisweni lesasiletfwe ngumtsetfo, ngekutsi abe sicalekiso endzaweni yetfu; ngobe kubhaliwe kutsi: “Ucalekisiwe wonkhe umuntfu lolenga emtsini.”

2 kuThimothi 2:25

sibayale ngemoya lomnene labo labamelene naso, mhlawumbe Nkulunkulu angabanika kuphendvuka, badzimate balati liciniso,

YaJakobe 5:16

Ngako-ke vumani tono tenu lomunye kulomunye, nithandazelane, kuze nitewuphiliswa. Kuncusa kwemuntfu lolungile kunemandla kakhulu.

1 Samuweli 12:17

Akusiso sikhatsi sekuvuna kolo yini nyalo? Ngitawubita Simakadze atfumele kudvuma nemvula. Nitawube seniyabona-ke kutsi nenta intfo lembi kangakanani emehlweni aSimakadze ngalokutsi niticelele inkhosi.”

1 Samuweli 12:19

Bonkhe bantfu bakhuluma kuSamuweli, batsi: “Thandaza kuSimakadze Nkulunkulu wakho, uthandazele tinceku takho singete safa, ngobe sesengete kuto tonkhe letono tetfu lesinye sono ngekutsi siticelele inkhosi.”

1 Samuweli 12:20

Samuweli wabaphendvula watsi: “Ningesabi, nente bonkhe lobubi, kodvwa noko ningasaphambuki kuSimakadze, khontani Simakadze ngayo yonkhe inhlitiyo yenu.

1 Samuweli 12:23

Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.

1 Samuweli 2:17

Leso sono saletinsizwa saba sikhulu kakhulu emehlweni aSimakadze, ngobe umnikelo waSimakadze abewuphatsa ngekwedzelela lokukhulu.