Eksodusi 32:3 - Siswati 1996 Bible

³ Ngako bonkhe bantfu bakhipha emacici abo etindlebeni tabo, bawaletsa ku-Aroni.

Eksodusi 32:3 Referencias Cruzadas

Genesisi 24:22

Yatsi kube icedze lentfombi kunatsisa emakamela, lendvodza yatsatsa indandatho yegolide leyayinesisindvo sencenye yelishekheli yayifaka ekhaleni lalentfombi; yatsatsa emajiva egolide labenesisindvo semashekheli lalishumi yawegabisa lentfombi emikhonweni,

Genesisi 35:4

Ngako-ke base batinika Jakobe tithico tebetive lababenato kanye nemacici lababewafake etindlebeni tabo. Jakobe wakumbela ngaphansi kwesihlahla se-okhi edvute neShekemu.

Eksodusi 32:2

Aroni wakhuluma kubo watsi: “Khumulani lamacici egolide lasetindlebeni tebafati benu, netemadvodzana enu, netemadvodzakati enu, niwaletse lapha kimi.”

Eksodusi 32:4

Wawatsatsa wawancibilikisa, wase ubumba litfole lelidvuna legolide. Bantfu bamemeta batsi: “Israyeli! Nangu-ke nkulunkulu wakho lowakukhipha eveni laseGibhithe!”

Eksodusi 33:6

Ngako batsi kube batfutse eNtsabeni iSinayi abaphindzanga bayegabe imihlobiso futsi.

Isaya 3:19

nemacici, nemasongo, netimvakazi,

Isaya 46:6

Labanye batfulula igolide etikhwameni tabo, balinganise isiliva etikalini tabo, bacashe umbumbi wetegolide kutsi abentele kube sithico, bese baguca kuso basikhonte.

Jeremiya 10:9

Isiliva legcotjiwe iyaletfwa isuka eThashishi, negolide legcotjiwe isuka e-Ufazi. Loko lokubatwe ngumbati nangumbumbi wetegolide, kubese kwembatsiswa letiluhlata njengesibhakabhaka naletibukhwebeletane, konkhe kwakhiwe tingcweti.