Eksodusi 32:26 - Siswati 1996 Bible

²⁶ Mosi wema esangweni lenkambu wamemeta watsi: “Lowo longakuSimakadze akete lapha kimi.” Onkhe emadvodzana aLevi abutsana ndzawonye eta kuye.

Eksodusi 32:26 Referencias Cruzadas

2 Samuweli 20:11

Lomunye welibutfo lakaJowabe wema eceleni kwesidvumbu sa-Amasa, watsi: “Wonkhe lohambisana naJowabe, naye wonkhe lowakaDavide, akalandzele Jowabe!”

2 Emakhosi 9:32

Jehu wabuka etulu efasitelweni, wamemeta watsi: “Ngubani lome ngakimi? Ngubani?” Babili nome batsatfu batsenwa bambuka ngelifasitelo.

Tihlabelelo 94:16

Ngubani longangisita kulababi? Ngubani longangiphendvula kulabaphambene nami?

Eksodusi 32:25

Mosi wabona kutsi bantfu sebangumhlambi kazelusile, ngobe Aroni abesabayekelele batentela matsandza, batihlazisa ngisho nasembikwetitsa tabo.

Eksodusi 32:27

Wakhuluma kuwo watsi: “Simakadze longuNkulunkulu wa-Israyeli utsi: ‘Ngulowo nalowo emkhatsini wenu akatsatse inkemba yakhe, angene ngalelisango adzimate ayewuphuma ngale, ahambe abulala bomnakabo, nebangani bakhe, nabomakhelwane bakhe.’ ”

Matewu 12:30

“Longekho ngakimi, umelene nami; nalongabutsi kanye nami, uyasakata.

Dutheronomi 33:9

Wakhuluma ngeyise nenina watsi: ‘Anginandzaba nabo.’ Akazange abanake bomnakabo, wabatsalalisela bantfwabakhe. Kodvwa walilindza livi lakho, wasilondvolota nesivumelwane sakho.

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”