Eksodusi 32:15 - Siswati 1996 Bible

¹⁵ Mosi wancandzeka, wehla entsabeni, etfwele tibhelekeca tematje letimbili letatibhalwe imiyalo ndzawo totimbili ngemuva nangembili.

Eksodusi 32:15 Referencias Cruzadas

Tihlabelelo 19:7

Imfundziso yaSimakadze iphelele, ihlumelelisa umphefumulo; bufakazi baSimakadze buliciniso, buyabahlakaniphisa labate lwati.

Eksodusi 16:34

Aroni wenta njengobe Mosi abeyalwe nguSimakadze. Wayibeka embikwelibhokisi lesivumelwane, khona itawulondvoloteka kahle.

Eksodusi 24:12

Simakadze wakhuluma kuMosi, watsi: “Yenyuka ukhuphukele kimi entsabeni uhlale khona; ngitakunika tibhelekeca tematje letinemiyalo lengiyibhalele kutsi ibe ngimiyalo yebantfu.”

Eksodusi 24:18

Mosi wangena kulelifu, wenyuka waya entsabeni. Wahlala lapho emalanga langema-40 kanye nebusuku bawo.

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Eksodusi 32:16

Letibhelekeca tematje tatibatwe nguNkulunkulu, tabhalwa nguye ngekuticopha ngesandla sakhe.

Eksodusi 34:29

Ngesikhatsi Mosi ehla eNtsabeni iSinayi abephetse letibhelekeca letimbili tematje tinemiyalo lelishumi; abengati kutsi sikhumba sebuso bakhe siyakhatimula, ngobe phela abekhulume naNkulunkulu.

Eksodusi 40:20

Watsatsa tibhelekeca tematje letimbili watifaka ebhokisini lesivumelwane. Wafaka letimboko kulamajiva alo, wase ulimbonya ngesihlalo semusa.

2 kubaseKorinthe 3:3

Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.

2 kubaseKorinthe 3:7

Inkonzo yemtsetfo lobhalwe etibhelekeceni tematje igcine iletse kufa noko yeta ngeludvumo, kangangekutsi baka-Israyeli abazange bakhone kubuka buso baMosi ngenca yenkhatimulo yayo, nome yabuye yaphela.

Dutheronomi 5:22

“Lena-ke ngimiyalo Simakadze laninika yona akhuluma ngeliphimbo lelikhulu kini nonkhe, yena akhuluma asekhatsi emlilweni, etulu entsabeni efini nasebumnyameni lobulicinsi; kute lokunye lakwengeta. Wayibhala etibhelekeceni letimbili tematje, wase unginika tona.”

Dutheronomi 9:15

“Ngako ngancandzeka ngehla entsabeni leyayisavutsa umlilo. Letibhelekeca letimbili tematje tatisetandleni tami.

KumaHebheru 9:4

Kulendzawo bekunelilati legolide lekushisela imphepho; lelilati belikanye nelibhokisi lesivumelwane. Lingephandle lalelo bhokisi lonkhe beliyigolide, ekhatsi kwalo bekuneludziwo lwegolide luphetse imana. Kulelo bhokisi bekunendvuku ya-Aroni leyahluma, netibhelekeca tematje tesivumelwane semitsetfo.

Sembulo 5:1

Esandleni sekudla salowo lohleti esihlalweni sebukhosi ngabona incwadzi legocotiwe ibhalwe ngekhatsi nangephandle, ivalwe yananyatseliswa ngetimphawu letisikhombisa.