Eksodusi 30:23 - Siswati 1996 Bible

²³ “Tsatsa tinongo leticolisakele, emakhilogremu langaba sitfupha emure lemanti, nemakhilogremu langaba matsatfu esinamoni lenuka kamnandzi, nemakhilogremu langaba matsatfu ekalamu,

Eksodusi 30:23 Referencias Cruzadas

1 Emakhosi 1:39

Sadoki, umphristi, watsatsa luphondvo lwemafutsa ethendeni lelingcwele, wagcoba ngawo Solomoni. Base bashaya impalampala, bonkhe bantfu bamemetela batsi: “Lunwele loludze! Nkhosi Solomoni!”

1 Tikhronike 9:29

Lamanye emaLevi umsebenti wawo bekukuphatsa letinye timphahla letingcwele, nafulaha, neliwayini, nemafutsa emncumo, nemphepho kanye netinandzisi.

1 Tikhronike 9:30

Kodvwa kuhlanganisa tinandzisi bekungumsebenti webaphristi.

Tihlabelelo 45:8

Tonkhe tingubo takho titselwe ngemakha emure, newenhlaba, newemphepho. Esigodlweni lesihlotjiswe ngekwematinyo endlovu, kuvakala tintsambo letikhala kamnandzi naletitfokotisako.

Eksodusi 25:6

nemafutsa ekukhanyisa tibane, netinongo temafutsa ekugcobisa, netemphepho lenuka kamnandzi,

Eksodusi 30:22

Simakadze wakhuluma kuMosi, watsi:

Eksodusi 30:24

nemakhilogremu langaba sitfupha ekhasiya; konkhe kukalwe ngesikalo lesisemtsetfweni. Ubengeta emalitha langaba mane emafutsa emncumo,

Eksodusi 31:11

nemafutsa emgcobo, nemphepho lenuka kamnandzi yendzawo lengcwele. Konkhe loku bafanele bakwente njengobe ngikuyalile.”

Eksodusi 35:28

netinongo, nemafutsa ekukhanyisa, newekugcoba, newemphepho lenuka kamnandzi.

Eksodusi 37:29

Besaleli wakha nemafutsa emgcobo longcwele nemphepho lecolisakele lenuka kamnandzi, lekwaba ngumsebenti wengcweti kutekuthakwa kwemakha.

Taga 7:17

Ngiwufake emakha emure, nenhlaba, nesinamoni.

Ingoma Yetingoma 1:13

Longitsandzako unjengemgodla wemakha emure kimi, lolele emkhatsini wemabele ami.

Ingoma Yetingoma 1:3

Liyajabulisa liphunga lemakha akho; libito lakho linjengemakha latfululwako. Nguko nje tintfombi tikutsandza kangaka!

Ingoma Yetingoma 4:14

inadi nesafroni, ikalamu nesinamoni, nayo yonkhe inhlobo yesihlahla semphepho, nesemure, nesenhlaba, nato tonkhe tinandzisi leticolisakele.

Isaya 43:24

Awukangitsengeli nayinye imphepho letsaphukako, wangete wangenelisa nangemanoni emihlatjelo yakho. Kodvwa wena ungetfwese umtfwalo ngetono takho, wangikhatsata ngetikhubekiso takho.

Jeremiya 6:20

Nginandzabani mine nemphepho yaseSheba, nome-ke nemakha ekhalamusi lanongotelako laphuma eveni lelikhashane? Iminikelo yenu yekushiswa ayikemukeleki kimi, nemihlatjelo yenu ayingijabulisi.”

Hezekeli 27:19

“ ‘BakaDani nemaGriki ase-Uzali babetsenga timphahla takho ngensimbi lebunjiwe, nangetinandzisi ikhasiya nekhalamusi.

Hezekeli 27:22

“ ‘Bahwebi baseSheba nebaseRama babetsengiselana nawe; ngetimphahla takho tekutsengiswa babekunika tinhlobonhlobo tetinongo leticolisakele, netematje laligugu, negolide.

Numeri 4:16

“Eleyazare, indvodzana ya-Aroni, umphristi, nguye lotawuphatsa emafutsa etibane, nemphepho lenuka kamnandzi, neminikelo yafutsi yalokutinhlavu, nemafutsa emgcobo, abe liso etikwalo lonkhe lithende lekukhontela nako konkhe lokukulo, ngisho etikwayo yonkhe indzawo lengcwele nako konkhe lokukuyo.”

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?