Eksodusi 30:16 - Siswati 1996 Bible

¹⁶ Lemali leyinhlawulo uboyibutsa kuma-Israyeli, uyisebentise ekuchubeni nasekusekeleni inkonzo yelithende lekuhlangana. Lemali ngeyekuhlenga timphilo tabo, khona mine, Simakadze, ngitabokhumbula kuphephisa sive saka-Israyeli.”

Eksodusi 30:16 Referencias Cruzadas

2 Tikhronike 24:6

Ngako inkhosi yabita Jehoyada, umPhristi Lomkhulu, yatsi kuye: “Awukawatjeli ngani emaLevi kutsi aletse umtselo lophuma kaJuda naseJerusalema lowasungulwa nguMosi, inceku yaSimakadze, kanye nenhlanganiso yema-Israyeli kutsi ube welithende lebufakazi?”

Eksodusi 12:14

Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”

Eksodusi 30:15

Lonjingile akufanele akhokhiswe ngetulu, nalophuyile akukafaneli akhokhiswe ngaphansi kwalemali, lekuyinhlawulo yetimphilo tenu kuSimakadze.

Eksodusi 30:17

Simakadze wakhuluma kuMosi, watsi:

Numeri 16:40

njengobe Simakadze amlayela ngaMosi. Loko kwaba sikhumbuto esiveni sema-Israyeli kutsi wonkhe umuntfu longesiye umphristi, longesiyo intalelwane ya-Aroni, akayiwusondzela ashise imphepho embikwaSimakadze. Loyakwenta njalo uyawubona saKhora nesebalandzeli bakhe.

Numeri 31:54

BoMosi na-Eleyazare, umphristi, bayemukela legolide kulabaholi betinkhulungwane nebemakhulu, bayimikisa ethendeni lekuhlangana, kwaba sikhumbuto sema-Israyeli embikwaSimakadze.

Lukha 22:19

Wase utsatsa sinkhwa, wabonga kuNkulunkulu, wasihlephula, wabanika watsi kubo: “Loku ngumtimba wami [lonikelwe esikhundleni senu. Yentani loku kuze kube sikhumbuto ngami.”