Eksodusi 3:5 - Siswati 1996 Bible

⁵ Nkulunkulu watsi: “Ungasasondzeli, khumula tincabule takho, ngobe lendzawo lome kuyo ingumhlabatsi longcwele.

Eksodusi 3:5 Referencias Cruzadas

Eksodusi 19:12

Kufanele ujube umnyele lotungeleta intsaba iSinayi, bantfu ubatjele utsi: ‘Caphelani ningenyuki kuya entsabeni, ningawutsintsi ngisho nemnyele wayo; lowo loyawutsintsa lentsaba uyawubulawa.

Eksodusi 19:21

Simakadze wakhuluma kuMosi watsi: “Yewuka uyekwecwayisa labantfu kutsi bangawengci umnyele kutewubuka mine Simakadze; ngobe nabangenta njalo, linyenti labo litakufa.

Eksodusi 4:28

Ngako Mosi watjela Aroni konkhe Simakadze labemtfume kona, wamlandzisa nangaletimangaliso abemnikete tona kutsi atente.

Umshumayeli 5:1

Caphela tinyatselo takho, nawuya endlini yaNkulunkulu. Ngobe kuncono kusondzela nekulalela kunekutsi unikele ngemhlatjelo wetilima, letingati kutsi ngekwenta loko tiyona.

Jeremiya 30:21

Umholi wabo kuyawuba ngulomunye wesive sabo; umbusi wabo uyawuvela emkhatsini wabo. Ngiyakumsondzeta, naye uyawuvele asondzele kimi, ngobe vele ngubani lowake watinikela yena, abesedvute nami?’ kusho Simakadze.

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Imisebenti yebaPhostoli 7:33

INkhosi yase itsi kuye: ‘Khumula tincabule etinyaweni takho, ngobe lendzawo lome kuyo ingcwele.

Dutheronomi 23:14

Ngobe Simakadze Nkulunkulu wenu wehla enyuka emkhatsini wenu enkambu, entela kunivikela nekwetfula titsa tenu etandleni tenu. Inkambu yenu kufanele ibe ngcwele, khona angetiwukhandza lutfo lolubi emkhatsini wenu, aze ancandzeke anifulatsele.”

KumaHebheru 12:20

Kungobe babengeke bawumele lomtsetfo lababenikwe wona, lotsi: “Nome silwane siyitsintsa lentsaba, siyawugcotjwa ngematje.”

Joshuwa 5:15

Indvuna yemphi yaSimakadze yaphendvula, yatsi: “Khumula tincabule takho, ngobe lendzawo lome kuyo ingcwele.” Joshuwa wenta njengobe atjeliwe.

2 yaPhetro 1:18

Tsine sasinaye entsabeni lengcwele, nakuvakala lelivi liphuma ezulwini, saliva ngetetfu tindlebe.