Eksodusi 3:18 - Siswati 1996 Bible

¹⁸ “Bantfu bami batakulalela loko lokushoko. Wena-ke nebaholi bema-Israyeli nitawube seniya kuFaro, inkhosi yaseGibhithe, nifike nitsi: ‘Simakadze, Nkulunkulu wemaHebheru uhlangene natsi. Sicela kutsi usikhulule sitsatse luhambo lwemalanga lamatsatfu siye ehlane, kuze siyekwenta umhlatjelo kuSimakadze longuNkulunkulu wetfu.’

Eksodusi 3:18 Referencias Cruzadas

Genesisi 12:1

Simakadze watsi ku-Abrama: “Phuma eveni lakini, nasetihlotjeni takho, nasemndenini weyihlo, uye eveni lengitakukhombisa lona.

Genesisi 14:13

Lomunye waphunyuka wabaleka wayawubikela Abrama, umHebheru, labehlala ngasetihlahleni tema-okhi aMamre, um-Amori, umnakabo-Eshkoli na-Aneri. Bonkhe-ke laba bebabambisene na-Abrama.

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 48:3

Jakobe wakhuluma kuJosefa watsi: “Nkulunkulu Somandla wabonakala kimi eLuzi, eveni laseKhenani wangibusisa,

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Eksodusi 10:3

Ngako-ke boMosi na-Aroni bahamba baya kuFaro, bafike kuye batsi: “Simakadze, longuNkulunkulu wemaHebheru, utsi: ‘Kutawuze kube ngunini seloku wala kutitfoba kimi? Khulula bantfu bami bahambe, khona batewungikhonta.

Eksodusi 17:5

Simakadze wakhuluma kuMosi watsi: “Tsatsa labanye bebaholi bema-Israyeli, uhambe nabo embikwebantfu. Ubophatsa indvuku yakho lowashaya ngayo umfula, iNayili.

Eksodusi 19:1

Ngelilanga lekucala lenyanga yesitsatfu seloku sive sema-Israyeli saphuma eGibhithe, sefika ehlane laseSinayi.

Eksodusi 25:22

Ngitawuhlangana nawe lapho, ngikhulume nawe ngisetikwalesihlalo semusa emkhatsini walamakherubhi lamabili lasetikwelibhokisi. Ngulapho ngitakunika khona yonkhe imitsetfo yami yesive sema-Israyeli.”

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Eksodusi 3:16

Hamba uhlanganise baholi bema-Israyeli ndzawonye ukhulume kubo utsi: ‘Simakadze, Nkulunkulu waboyihlomkhulu, Nkulunkulu wabo-Abrahama, na-Isaka, naJakobe, ubonakele kimi, watsi: “Sengikubonile konkhe lokwentiwa ngemaGibhithe kini.

Eksodusi 30:36

Lenye yayo uboyisila icolisakale, bese uyifaka ethendeni lekuhlangana uyifafate embikwelibhokisi lesivumelwane, lapho ngihlangana khona nawe. Lemphepho uboyiphatsa uyente ibe ngcwele.

Eksodusi 30:6

Lelilati ubolibeka embikwendvwangu levimbele libhokisi lesivumelwane lelinesihlalo semusa etikwalo, lapho ngitabohlangana nawe khona.

Eksodusi 4:1

Mosi waphendvula Nkulunkulu watsi: “Ngitawutsini, nangitawutsi ngiyabatjela labantfu bangete bangikholwa bangangilaleli nekungilalela bangitjele batsi: ‘Nkulunkulu akaze abonakale kuwe’?”

Eksodusi 4:23

Ngikutjelile ngatsi: “Khulula indvodzana yami kuze ingikhonte,” kodvwa wena walile kuyikhulula. Ngako-ke ngitawubulala indvodzana yakho yematubulo.’ ”

Eksodusi 4:24

Kwatsi asesendleleni leya eGibhithe, ahleti ethendeni aphumula, Simakadze wafuna kubulala Mosi.

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Eksodusi 5:1

Emvakwaloko boMosi na-Aroni bahamba baya kuFaro, bafike batsi: “Simakadze longuNkulunkulu wema-Israyeli utsi: ‘Khulula sive sami sihambe, siyewungentela sibhimbi sekungidvumisa ehlane.’ ”

Eksodusi 5:3

BoMosi na-Aroni bamphendvula batsi: “Nkulunkulu wemaHebheru uhlangene natsi. Sivumele kutsi sitsatse luhambo lwemalanga lamatsatfu, siye ehlane, siyewunikela ngemhlatjelo kuSimakadze longuNkulunkulu wetfu; ngobe nasingakwenti loko, utasishaya ngesifo lesingelapheki nome asibulale ngemphi.”

Eksodusi 7:16

Ubokhuluma kuye utsi: ‘Simakadze, Nkulunkulu wemaHebheru, ungitfume kuwe watsi ngibofike ngitsi: “Khulula sive sami sihambe, khona sitewungikhonta ehlane;” kodvwa kuze kube ngumanje usengakakwenti loko lengikutjela kona.

Eksodusi 8:1

Simakadze wakhuluma kuMosi, watsi: “Hamba uye kuFaro umtjele kutsi Simakadze utsi: ‘Khulula sive sami sihambe, khona sitekungikhonta.

Eksodusi 8:20

Simakadze wakhuluma kuMosi, watsi: “Vuka ekuseni ngeluvivi, umele Faro nakaya emfuleni, ufike kuye utsi: ‘Simakadze utsi: Khulula bantfu bami bahambe, khona batewungikhonta.

Eksodusi 8:23

Ngitakwenta umehluko emkhatsini wesive sami nesive sakho. Lesishayo sitakwenteka kusasa loku lokusako.’ ”

Eksodusi 9:1

Simakadze wakhuluma kuMosi, watsi: “Hamba uye kuFaro ufike utsi: ‘Simakadze, longuNkulunkulu wemaHebheru, utsi: Khulula bantfu bami kutsi bahambe bayewungikhonta.

Eksodusi 9:13

Simakadze wakhuluma kuMosi, watsi: “Ubovuka ekuseni ngeluvivi, uye kuFaro ufike kuye utsi: ‘Simakadze, longuNkulunkulu wemaHebheru, utsi: Khulula bantfu bami bahambe bayekungikhonta.

Isaya 64:5

Uyabasita labo labajabulela kwenta lokulungile, labatikhumbulako tindlela takho. Kodvwa tsine sachubeka sona, wena wasitfukutselela. Kepha siyawusindziswa kanjani?

Jeremiya 2:2

“Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.

Jeremiya 2:6

Abazange babute, batsi: ‘Uphi Simakadze lowasikhipha eGibhithe, wasihola sadzabula lihlane lelingenalutfo, sadzabula live lelinetingagadvu nemigedze, live lesomiso nebumnyama, live lelingahanjwa ngumuntfu nalelingahlalwa ngumunfu?’

Jeremiya 26:5

futsi naningawalaleli emavi etinceku tami, baphrofethi, lengititfumele kini emaphindzephindze, nine solomane ningalaleli,

Numeri 17:4

Letindvuku ubotibeka embikwelibhokisi lesivumelwane ethendeni lekuhlangana, lapho ngihlangana nani khona.

Joshuwa 1:17

Njengobe naMosi sasimlalela ngalokuphelele, nawe sitakulalela sikuhloniphe. Kuphela nje, Simakadze Nkulunkulu wakho akabe nawe, njengaloku abenaye naMosi.