Eksodusi 3:16 - Siswati 1996 Bible

¹⁶ Hamba uhlanganise baholi bema-Israyeli ndzawonye ukhulume kubo utsi: ‘Simakadze, Nkulunkulu waboyihlomkhulu, Nkulunkulu wabo-Abrahama, na-Isaka, naJakobe, ubonakele kimi, watsi: “Sengikubonile konkhe lokwentiwa ngemaGibhithe kini.

Eksodusi 3:16 Referencias Cruzadas

Genesisi 1:7

Nkulunkulu wenta umkhatsi, wehlukanisa emanti labengephansi kwemkhatsi nemanti labengetulu kwemkhatsi. Kwase kuba njalo.

Genesisi 21:1

Simakadze wabusisa Sara njengobe abeshito. Simakadze wentela Sara loko abemetsembise kona.

Genesisi 28:13

Simakadze abeme etikwalo; wakhuluma naye watsi: “NginguSimakadze, Nkulunkulu weyihlo Abrahama, naNkulunkulu wa-Isaka. Lelive lolele kulo ngiyawulinika wena kanye netitukulwane takho.

Genesisi 48:15

Jakobe wabe sewubusisa Josefa, watsi: “Shangatsi Nkulunkulu wabobabe, lowakhontwa bo-Abrahama na-Isaka, yena loNkulunkulu longihole kuyo yonkhe imphilo yami, kwaze kwaba ngulamuhla, angababusisa labafana.

Genesisi 50:24

Josefa wakhuluma kubomnakabo, watsi: “Sengitakufa; kodvwa ngiyati kutsi Nkulunkulu utawuba nani anikhiphe kulelive, anibuyisele eveni labetsembisa lona bo-Abrahama, na-Isaka, naJakobe.”

Tihlabelelo 102:21

kuze bantfu bavakalise libito laSimakadze eSiyoni, neludvumo lwakhe eJerusalema,

Tihlabelelo 33:18

Empeleni liso laSimakadze likulabo labamesabako, yebo labo labetsemba umusa wakhe,

Tihlabelelo 8:4

“Pho, umuntfu abeyini-ke kutsi ungadzimate umkhumbule; nendvodzana yemuntfu beyiyini-ke kutsi ungadzimate uyinakekele?”

Eksodusi 1:8

Kwase kubekwa inkhosi lensha eGibhithe, leyayingati lutfo ngaJosefa.

Eksodusi 13:19

Mosi watsatsa ematsambo aJosefa wahamba nawo, ngobe abebafungisile bantfwana baka-Israyeli kutsi babowatsatsa. Abekhulume kubo watsi: “Nkulunkulu uyakuta anisite; nalifika lelo langa nibowatsatsa lamatsambo ami nihambe nawo.”

Eksodusi 15:14

Tive nativa loko, tiyawutfutfumela ngekwesaba, emaFilisti ayawufikelwa luvalo.

Eksodusi 17:5

Simakadze wakhuluma kuMosi watsi: “Tsatsa labanye bebaholi bema-Israyeli, uhambe nabo embikwebantfu. Ubophatsa indvuku yakho lowashaya ngayo umfula, iNayili.

Eksodusi 18:12

Jethro, uyisetala waMosi, waletsa umnikelo wekushiswa naleminye imihlatjelo yekunikelwa kuNkulunkulu. Aroni wahamba kanye nebaholi bema-Israyeli; bakhonta ngekudla kudla lokungcwele kanye naJethro, uyisetala waMosi, embikwaNkulunkulu.

Eksodusi 2:25

Ngako Nkulunkulu wababuka bantfwana baka-Israyeli, wabanaka.

Eksodusi 24:11

Nkulunkulu akazange abatsintse, baholi besive sema-Israyeli; babona Nkulunkulu. Banatsa, badla ndzawonye.

Eksodusi 3:2

Ingilosi yaSimakadze yabonakala kuye iselangabini lemlilo ekhatsi nekhatsi esihlahleni. Watsi uyabuka, wabona lesihlahla sivutsa kodvwa singashi.

Eksodusi 3:6

NginguNkulunkulu wabokhokho bakho: Nkulunkulu wa-Abrahama, naNkulunkulu wa-Isaka, naNkulunkulu waJakobe.” Mosi wambonya buso bakhe, ngobe esaba kubukana naNkulunkulu.

Eksodusi 4:1

Mosi waphendvula Nkulunkulu watsi: “Ngitawutsini, nangitawutsi ngiyabatjela labantfu bangete bangikholwa bangangilaleli nekungilalela bangitjele batsi: ‘Nkulunkulu akaze abonakale kuwe’?”

Eksodusi 4:29

BoMosi na-Aroni bahamba bafike bahlanganisa bonkhe baholi bema-Israyeli.

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Eksodusi 4:5

Simakadze wachubeka watsi: “Uyakwenta loko-ke embikwema-Israyeli kuze akukholwe kutsi Simakadze, Nkulunkulu waboyihlomkhulu, Nkulunkulu wa-Abrahama, na-Isaka, naJakobe, utibonakalisile kuwe.”

Matewu 26:3

Baphristi labakhulu netibondza temaJuda babutsana esigodlweni sakaKhayafase, umPhristi Lomkhulu,

Lukha 1:68

“Ayidvunyiswe iNkhosi, Nkulunkulu wema-Israyeli, ngobe ibahambele bantfu bayo, yabakhulula.

Lukha 19:44

Tiyawukubhidlita uphele nya kanye nebantfu labangekhatsi kwakho; alikho nome linye litje leliyawusala ngetulu kwalelinye, ngobe awusicaphelisisanga sikhatsi Nkulunkulu lakuhambela ngaso.”

Imisebenti yebaPhostoli 11:30

Bakwenta loko batfumela imali kubabonisi belibandla ngaboBhanabasi naSawula.

Imisebenti yebaPhostoli 15:14

Simoni usandza kuchaza kutsi Nkulunkulu wacala kunakekela betive ngekutitsatsela sive emkhatsini wabo kutsi sibe sakhe.

Imisebenti yebaPhostoli 20:17

AseseMilethusi Pawula watfumela umlayeto e-Efesu wacela babonisi belibandla kutsi bamhlangabete.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

1 yaPhetro 5:1

Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi:

Ruthe 1:6

Emvakwaloko Nawomi weva kutsi Simakadze ubabusisile bantfu bakubo ngekubapha inala. Ngako-ke wavele watilungiselela kuhamba nalaba bomalukatane bakhe.