Eksodusi 3:11 - Siswati 1996 Bible

¹¹ Mosi wakhuluma kuNkulunkulu, watsi: “Ngingubani mine kutsi ngingaya kuFaro, ngiyewukhipha ema-Israyeli eGibhithe?”

Eksodusi 3:11 Referencias Cruzadas

2 Samuweli 7:18

Inkhosi Davide yase iyahamba yayawungena ethendeni lebukhona baSimakadze, yafike yahlala phansi, yathandaza yatsi: “Bengingubani mine, Nkhosi Simakadze? Yona indlu yeketfu beyiyini, kutsi ungangihola kuze kube ngumanje?

1 Emakhosi 3:7

“Manje-ke, Simakadze Nkulunkulu wami, sewubeke inceku yakho kutsi ibe yinkhosi endzaweni yababe Davide. Kodvwa mine ngisengumfanyana nje, ngimncane, angati nekwati kutsi ngitawenta kanjani umsebenti wami.

1 Emakhosi 3:9

Ngako-ke nika inceku yakho inhlitiyo lehlakaniphile nengcondvo lehlutekile lekwati kwehlukanisa lokuhle nalokubi, kuze yehlulele kahle lesive sakho. Ngobe ngubani nje longakhona kubusa lesive sakho lesikhulu kangaka?”

1 Tikhronike 29:14

“Empeleni mine bengingubani, sona sive sami besiyini kutsi besingakhona kunikela kakhulu kangaka? Konkhe kuphuma kuwe, natsi sikunike kona loko lokuphuma esandleni sakho.

Eksodusi 6:12

Kodvwa Mosi waphendvula Simakadze, watsi: “Ingani ema-Israyeli akangilaleli; pho, Faro angangilalela kanjani? Angisilo libeka ekukhulumeni.”

Jeremiya 1:6

Mine ngaphendvula ngatsi: “Awu, Nkhosi Simakadze, mine angikwati kukhuluma; ngisengumntfwana.”

2 kubaseKorinthe 2:16

Siliphunga lekufa kube kufa kulababhujiswako, kantsi siliphunga lekuphila kube kuphila kulabasindziswako. Ngubani-ke longakumela loko?

2 kubaseKorinthe 3:5

Akusho noko kwekutsi sinemandla ekwenta lutfo ngekwetfu; kute lokuphuma kitsi, kepha emandla etfu avela kuNkulunkulu,

Tikhulu 6:15

Gideyoni wabuta, watsi: “Kodvwa Simakadze, ngingamsindzisa njani Israyeli? Lusendvo lwakitsi alusilutfo kuso sonkhe sive sakaManase, nami ngingulomncane kakhulu emndenini waketfu.”

1 Samuweli 18:18

Kodvwa Davide watsi kuSawula: “Bengingubani mine, yona indlu yaketfu iyini, lona lusendvo lwababe beluyini esiveni saka-Israyeli, kutsi mine bengingaba ngumkhwenyane wenkhosi?”