Eksodusi 3:10 - Siswati 1996 Bible

¹⁰ Kota ngitekutfumela kuFaro, kutsi uyewukhulula bantfu bami, emadvodzana a-Israyeli, ubakhiphe eveni laseGibhithe.”

Eksodusi 3:10 Referencias Cruzadas

Genesisi 15:13

Simakadze watsi ku-Abrama: “Yati ngempela kutsi situkulwane sakho siyawuba sihambi eveni lekungesilo laso; siyawuba sigcili sakulelo live, sigcilateke iminyaka lengema-400.

Genesisi 15:14

Kodvwa ngiyawusehlulela leso sive lesiyawube sigcilata lesitukulwane sakho; emvakwaloko lesitukulwane sakho siyawuphuma sesinetimphahla letinyenti.

Tihlabelelo 105:26

Watfumela Mosi, inceku yakhe, wahamba na-Aroni labekhetfwe nguSimakadze.

Tihlabelelo 77:20

Sive sakho wasihola njengetimvu, ngesandla saboMosi na-Aroni.

Eksodusi 12:40

Ema-Israyeli abesahlale eGibhithe iminyaka lengema-430.

Eksodusi 12:41

Tonkhe letive tema-Israyeli taphuma eveni laseGibhithe mhlazana kuhlangana leminyaka lengema-430.

Eksodusi 33:12

Mosi wakhuluma kuSimakadze, watsi: “Wena watsi kimi: ‘Khipha labantfu,’ kodvwa awuzange ungilayele kutsi utangitfuma nabani. Yebo, washo kona kimi watsi: ‘Ngiyalati libito lakho, futsi uzuze umusa emehlweni ami.’

Eksodusi 33:13

Ngako-ke, nangabe ngizuze umusa emehlweni akho, ngiyakucela kutsi ungikhombise tindlela takho, kuze wena ngikwati kahle, ngichubeke kuzuza umusa emehlweni akho. Ukhumbule futsi kutsi labantfu basive sakho.”

Eksodusi 6:26

Bo-Aroni naMosi ngibo lakhuluma kubo Simakadze, watsi: “Khiphani sive sema-Israyeli onkhe eveni laseGibhithe.”

Hoseya 12:13

Simakadze wasebentisa umphrofethi kuze abuyise Israyeli amkhiphe eGibhithe, wamnakekela ngesandla semphrofethi.

Mikha 6:4

Nganikhipha eGibhithe; nganikhipha ebugcilini, ngatfumela boMosi na-Aroni, naMiriyamu kutsi banihole.

Imisebenti yebaPhostoli 7:34

Ngibukile ngabona kuhlupheka kwesive sami eGibhithe. Sengikuvile kukhala nekububula kwaso, sengehlile kutasisindzisa. Wota-ke manje, ngitekutfumela eGibhithe.’

Imisebenti yebaPhostoli 7:36

Wabahola wabakhipha bantfu eGibhithe, enta timangaliso netibonakaliso eGibhithe naseLwandle Lolubovu, elugwadvule nasehlane iminyaka lengema-40.

Imisebenti yebaPhostoli 7:6

Nkulunkulu watsi kuye: ‘Titukulwane takho tiyawuhlala eveni letive, lapho tiyawuba tigcili khona tiphatseke kabuhlungu, kuze kuphele iminyaka lengema-400.

Imisebenti yebaPhostoli 7:7

Kodvwa ngiyakusehlulela leso sive lesiyawube sibagcilata, emvakwaloko bayawusuka baphume kulelo live bete batengikhonta kulendzawo.’

Tikhulu 6:14

Simakadze wagucukela kuye wakhuluma, watsi: “Hamba ngalawo mandla lonawo usindzise Israyeli esandleni saMidiyani. Angikutfumi yini?”

1 Samuweli 12:6

Samuweli wase ukhuluma kubantfu, utsi: “NguSimakadze lowabeka boMosi na-Aroni, wakhipha boyihlomkhulu eveni laseGibhithe.

1 Samuweli 12:8

“Watsi kube Jakobe efike eGibhithe, boyihlomkhulu bakhala kuSimakadze bacela lusito; Simakadze watfumela boMosi na-Aroni labangubona bakhuphula boyihlomkhulu, babakhipha eGibhithe, babahola, babaletsa kulendzawo.