Eksodusi 29:29 - Siswati 1996 Bible

²⁹ “Tembatfo ta-Aroni letingcwele tiyawuba temadvodzana akhe, nasafile; ayawutembatsa nasagcotjiwe.

Eksodusi 29:29 Referencias Cruzadas

2 Tikhronike 13:9

Kodvwa anizange yini nibacoshe baphristi baSimakadze, emadvodzana a-Aroni, nemaLevi, nase nitibekela baphristi benu nenta njengobe tive talamanye emave tenta? Ngulowo nalowo lota kutekutinikela nekwehlukaniselwa aphetse inkunzana netihhanca letisikhombisa angaba ngumphristi waleto tithico tenu.

Eksodusi 28:2

Ubotfungela umnakenu, Aroni, tembatfo letingcwele tebuphristi; ngito letitamnika sitfunti nekuhlonipheka.

Eksodusi 29:28

Loko kutawuhlala kusabelo sa-Aroni nemadvodzana akhe ngesimiso saphakadze kuma-Israyeli. Njalo nje nakwentiwa umnikelo wekuthula, umganga nemlente kuyawuba kwebaphristi. Leso-ke sipho sebantfu labasinika mine, Simakadze.

Eksodusi 29:30

Indvodzana ya-Aroni leyawumlandzela itsatse inkonzo yebuphristi iyawutembatsa emalanga lasikhombisa, nayita kutewukhonta endzaweni lengcwele lesethendeni lekuhlangana.

Eksodusi 30:30

Ubogcoba bo-Aroni nemadvodzana akhe babe ngcwele, khona batewungikhonta njengebaphristi bami.

Eksodusi 40:15

Nawo lamadvodzana ubowagcoba, njengobe ugcobe uyise, khona nawo atewungikhonta njengebaphristi. Lomgcobo utawubenta babe baphristi titukulwane ngetitukulwane.”

Levithikusi 16:32

UMphristi Lomkhulu logcotjwe ngalokufanele nalobekwe kulandzela uyise, nguye loyawukwenta inhlawulo yekubuyisana kuSimakadze. Uyawugcoka letembatfo tebuphristi,

Levithikusi 8:1

Simakadze wakhuluma kuMosi, watsi:

Numeri 18:8

Simakadze wakhuluma ku-Aroni, watsi: “Mine ngikubeka kutsi uphatse iminikelo leletfwe kimi, yonkhe iminikelo lengcwele lenginikwa yona ngema-Israyeli, mine ngiyinika wena nemadvodzana akho kutsi ibe sabelo sakho titukulwane ngetitukulwane.

Numeri 35:25

Libandla kufanele livikele lona lonelicala lekubulala kulomphindziseli losihlobo semufi ngekutsi lincandzekise lombulali, abuyele edolobheni lekukhosela, lapho abebalekele khona. Kufanele ahlale lapho, kuze kufe umphristi lomkhulu, labegcotjwe ngemafutsa langcwele.