Eksodusi 29:27 - Siswati 1996 Bible

²⁷ “Kufanele ungehlukanisele umganga lonikelwe ngekujikitiswa, nemlente lonikelwe ngekujikitiswa; yebo, wona lowo mganga nemlente lonikelwe ngekujikitiswa ngesikhatsi kugcotjwa bo-Aroni kanye nemadvodzana akhe.

Eksodusi 29:27 Referencias Cruzadas

Eksodusi 29:26

“Ubotsatsa umganga walesihhanca sekugcotjwa kwa-Aroni uwujikitisele kuSimakadze; kube ngumnikelo wekujikitiswa. Lomganga-ke usabelo sakho.

Eksodusi 29:28

Loko kutawuhlala kusabelo sa-Aroni nemadvodzana akhe ngesimiso saphakadze kuma-Israyeli. Njalo nje nakwentiwa umnikelo wekuthula, umganga nemlente kuyawuba kwebaphristi. Leso-ke sipho sebantfu labasinika mine, Simakadze.

Levithikusi 10:15

Umlente lonikelwe nalomganga lojikitiswako bayakuwuletsa kanye nemafutsa emnikelo lowentiwa ngemlilo lojikitiswako kube ngumnikelo wekujikitiswa kuSimakadze. Uyakuba wenu newemadvodzana enu ube sabelo senu saphakadze naphakadze, njengobe Simakadze ashito.”

Levithikusi 7:30

Kufanele ayiletse yena matfupha ngetandla takhe kuSimakadze kutsi kube ngumnikelo lowentiwa ngemlilo. Utawuletsa emanoni alesilwane kanye nemganga waso, kuze kutsi lomganga utewujikitiswa ube ngumnikelo wekujikitiswa kuSimakadze.

Levithikusi 7:37

Ngiyo lena-ke imitsetfo lecondzene neminikelo yekushiswa, neminikelo yalokutinhlavu, neminikelo yesono, neminikelo yelicala, neminikelo yemgcobo kanye neminikelo yekuthula,

Levithikusi 9:21

Imiganga nemlente wangesekudla Aroni wakujikitisa embikwaSimakadze, kwaba ngumnikelo wekujikitiswa, njengobe Mosi abeshito.

Numeri 18:11

“Ngetulu kwaloko, konkhe lokubekwe kwehlukaniswa neminikelo yekujikitiswa yesive sema-Israyeli lesikunikela kimi kutawuba kwenu. Ngikupha wena nemadvodzana akho kanye nemadvodzakati akho kube sabelo sakho titukulwane ngetitukulwane. Wonkhe umuntfu lohlantekile ngekwemtsetfo emndenini wakho angakudla.

Numeri 6:20

Umphristi uyakukujikitisa, ente umnikelo wekujikitiswa embikwaSimakadze; kusabelo lesingcwele semphristi kanye nemnikelo wemganga lojikitiswako, nemlente lonikelwe. Emvakwaloko-ke lomNaziri sekangalinatsa liwayini.

Dutheronomi 18:3

“Sabelo sebaphristi emihlatjelweni yetinkhomo nome yetimvu leyawuletfwa bantfu kuyawuba siphanga, nemihlatsi, nekwangekhatsi.

KumaHebheru 7:28

Empeleni, umtsetfo ubeka bantfu labanebutsakatsaka, ubente babe baphristi labakhulu; kodvwa livi laNkulunkulu lelaciniswa ngesifungo, nalelefika muva kunemtsetfo, ngilo lelabeka iNdvodzana leyentiwa yaphelela kuze kube phakadze.

1 Samuweli 9:24

Ngako lompheki watsatsa lomlente kanye naloko lokwakusetikwawo, wakubeka embikwaSawula. Samuweli wakhuluma watsi: “Naku-ke loku bewubekelwe kona. Kudle, ngobe bekubekelwe wena macondzana nalomsebenti, kusukela mhlazana ngitsi: ‘Ngimeme tivakashi.’ ” Ngako Sawula wadla naSamuweli ngalelo langa.