Eksodusi 29:24 - Siswati 1996 Bible

²⁴ Konkhe lokudla kwetfule etandleni ta-Aroni nasetandleni temadvodzana akhe, bakujikitisele kimi njengemnikelo lojikitiselwe kuSimakadze.

Eksodusi 29:24 Referencias Cruzadas

Eksodusi 29:23

Kulesitja lesinetinkhwa letite imbiliso letisembikwaSimakadze, ubotsatsa sinkhwa sibe sinye, nempotongwane munye wesinkhwa lesinemafutsa, nelicebelengwane libe linye.

Eksodusi 29:25

Ubobe sewuyakutsatsa kubo ukushisele etikwemnikelo wekushiswa loselatini. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Levithikusi 10:14

Kodvwa umganga lojikitiswako nemlente lonikelwe niyakuwudlela endzaweni lehlantekile ngekwemtsetfo, nine nemadvodzana nemadvodzakati enu, ngobe kusabelo senu nesemadvodzana enu eminikelweni yekuthula lenikelwe sive sema-Israyeli.

Levithikusi 23:11

yena uyawusijikitisa embikwaSimakadze, khona atewusemukela egameni lenu. Umphristi uyawusijikitisa ngelilanga lelilandzela liSabatha.

Levithikusi 7:30

Kufanele ayiletse yena matfupha ngetandla takhe kuSimakadze kutsi kube ngumnikelo lowentiwa ngemlilo. Utawuletsa emanoni alesilwane kanye nemganga waso, kuze kutsi lomganga utewujikitiswa ube ngumnikelo wekujikitiswa kuSimakadze.

Levithikusi 8:27

Konkhe lokudla wakwetfula etandleni tabo-Aroni nemadvodzana akhe, base bayakujikitisa kutsi kube ngumnikelo wekujikitiswa kuSimakadze.

Levithikusi 9:21

Imiganga nemlente wangesekudla Aroni wakujikitisa embikwaSimakadze, kwaba ngumnikelo wekujikitiswa, njengobe Mosi abeshito.

Numeri 8:15

Emvakwaloko-ke emaLevi ayawungena ayekwenta inkonzo yawo ethendeni lekuhlangana, nase uwahlambululile wawetfula njengemnikelo wekujikitiswa.