Eksodusi 29:14 - Siswati 1996 Bible

¹⁴ Kodvwa inyama yalenkunzana, nesikhumba sayo, nemswane wayo ukushisele ngephandle kwenkambu, ngobe kungumnikelo wesono.

Eksodusi 29:14 Referencias Cruzadas

2 Tikhronike 29:24

Baphristi base bahlaba letimbuti banikela ngengati yato etikwelilati, kutsi kube ngumnikelo wesono kutsi batekwenta inhlawulo yekubuyisana egameni lebaka-Israyeli bonkhe, ngobe inkhosi yase ivele iyalile kutsi kwentiwe umnikelo wekushiswa newesono wema-Israyeli onkhe.

Ezra 8:35

Kwatsi bonkhe labo bebabuye ekutfunjweni banikela ngemhlatjelo wekushiswa kuNkulunkulu wema-Israyeli, kwaba: tinkunzi letili-12 tawo onkhe ema-Israyeli, netihhanca letatingema-96, nemazinyane etimvu lamadvuna langema-77, kwatsi umnikelo wesono waba tiphongo letili-12. Konkhe kwakukwemnikelo wekushiswa kuSimakadze.

Eksodusi 30:10

Kanye ngemnyaka Aroni abenta inkonzo yekubuyisana kuSimakadze, ayentele etimphondvweni totine telilati; leyo nkonzo yekuhlawulela tono ngemnikelo wengati, iyakwentiwa njalo nje kanye ngemnyaka. Loko niyawukwenta titukulwane ngetitukulwane. Lelilati kufanele libe ngcwele lehlukaniselwe mine, Simakadze.”

Hezekeli 43:21

Wena kufanele utsatse lenkunzana ibe ngumnikelo wesono, uyishisele lapho imiselwe kushiselwa khona, lekuyindzawo yelithempeli lengephandle kwendzawo lengcwele.

Levithikusi 16:11

“Aroni kufanele anikele ngalenkunzana lekufanele ibe ngumhlatjelo wesono sakhe, ente inhlawulo yekubuyisana kwakhe nekwemndeni wakhe kuSimakadze, bese uyayibulala-ke.

Levithikusi 16:27

Inkunzi nalembuti yeminikelo yesono, ingati yayo lengeniswe endzaweni lengcwelengcwele kuyawukwenta inhlawulo yekubuyisana kuSimakadze kufanele kutsatfwe kukhishelwe ngaphandle kwenkambu; tikhumba tato, nenyama yato, nekwangekhatsi kwato kushiswe ngemlilo.

Levithikusi 16:3

“Angakangeni endzaweni lengcwelengcwele kufanele ete nenkunzana yemnikelo wesono kanye nesihhanca semhlatjelo wekushiswa.

Levithikusi 4:21

Lenkunzana uyawube sewuyayitsatsa, aphumele nayo ngaphandle kwenkambu afike ayishisele khona, njengobe entile nakashisa umnikelo wekucala. Lona-ke ngiwo umhlatjelo wekususa sono sesive sonkhe.

Levithikusi 4:25

Umphristi uyakwenya umuno wakhe kulengati yalesilwane, bese uyibhoca etimphondvweni telilati leminikelo yekushiswa, lena lenye ingati ayitsele esisekelweni selilati.

Levithikusi 4:29

Uyawubeka sandla sakhe etikwenhloko yalomnikelo wesono, bese uyibulalela lapho kubulawelwa khona tonkhe tilwane temhlatjelo wekushiswa.

Levithikusi 4:3

“ ‘Nangabe kona umphristi logcotjiwe waze wehlisela lelo cala lakhe esiveni, uyawuletsa inkunzana lengenasiyela ayinikele ibe ngumhlatjelo wesono sakhe kuSimakadze.

Levithikusi 4:32

“ ‘Nangabe lomuntfu aletsa imvu, kufanele kube ngulensikati lengenasiyela.

Levithikusi 5:6

Inhlawulo yaso kufanele kube lizinyane lelisikati, lemvu nome lembuti, kube ngumhlatjelo wesono kuSimakadze. Umphristi utamentela inhlawulo yekubuyisana kuSimakadze ngesono sakhe.

Levithikusi 5:8

Utawaletsa kumphristi, loyawucale anikele ngaloko lokungumnikelo wesono. Uyalishwila intsamo kodvwa angayihluphuli inhloko,

Levithikusi 6:25

“Tjela Aroni nemadvodzana akhe utsi: ‘Umnikelo wesono uyawuhlatjelwa embikwaSimakadze lapho kuhlatjelwa khona umnikelo wekushiswa; kungumnikelo longcwelengcwele.

Levithikusi 8:17

Titfo talenkunzi letatisele, sikhumba, nenyama, nemswane wayo wakushisela ngaphandle kwenkambu; kwaya njengobe Simakadze abeyale Mosi.

Levithikusi 9:2

Wakhuluma ku-Aroni watsi: “Tsatsa inkunzana lengenasiyela nesihhanca lesingenasiyela utekunikela kuSimakadze: inkunzana ibe ngumnikelo wesono, sihhanca sibe ngumnikelo wekushiswa.

Malakhi 2:3

“Ngenca yenu, ngiyakutekhuta titukulwane tenu; ngiyakuwendlala ebusweni benu lamatfumbu emihlatjelo yenu yemadzili, nani niyawususwa kanye nawo.

Numeri 19:5

Lelitfokati liyawube seliyashiswa-ke embikwakhe, kushiswe sikhumba salo, nenyama yalo, nengati yalo, nemswane walo.

Numeri 7:16

siphongo semnikelo wesono;