Eksodusi 28:38 - Siswati 1996 Bible

³⁸ Aroni kufanele akufake ebuntini lakhe, khona atekutsatsa onkhe emaphutsa esive sema-Israyeli lababe nawo, khona iminikelo yabo itekwamukeleka, nome ngabe bebonile ekunikeleni ngayo.

Eksodusi 28:38 Referencias Cruzadas

Eksodusi 28:37

Longcwengcwe ubombophela ngembili kulomshuculo wenhloko ngentsambo leluhlata njengesibhakabhaka.

Eksodusi 28:43

Aroni nemadvodzana akhe kufanele batifake njalo nje nabaya ethendeni lekuhlangana nome beta kutekungikhonta elatini endzaweni lengcwele, khona bangetiwubulawa ngenca yekona ngebungcunu babo. “Lona-ke ngumyalo wa-Aroni netitukulwane takhe kuze kube phakadze naphakadze.”

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Isaya 56:7

labo ngiyakubayisa entsabeni yami lengcwele, ngibanike kujabula endlini yami yekukhuleka. Iminikelo yabo yekushiswa nemihlatjelo yabo iyakwemukeleka elatini lami, ngobe indlu yami iyawutsiwa yindlu yemkhuleko yato tonkhe tive.”

Isaya 60:7

Yonkhe imihlambi yaseKhedari iyawubutsanela kuwe, tihhanca takaNebayothi tiyawukukhonta, tibe ngiminikelo leyemukeleka elatini lami, ngiyawulihlobisa lithempeli leludvumo lwami.

Levithikusi 1:4

Lowo muntfu uyawubeka sandla sakhe etikwenhloko yalomnikelo wekushiswa, khona-ke utawube sewuyemukelwa egameni lakhe kutsi umentele inhlawulo yekubuyisana.

Levithikusi 10:17

“Anikawudleli ngani endzaweni lengcwele lomnikelo wesono? Lomnikelo ungcwele kakhulu, futsi unikelwe kini, khona kutewususwa sono sesive ngekwenta umsimeto wekutsetselelwa kwetono taso embikwaSimakadze.

Levithikusi 22:16

ngekutsi bawavumele adle iminikelo lengcwele, ngobe ngaloko utawaletsela licala lelitawudzinga kuhlawulwa. NginguSimakadze, lobangcwelisako. ”

Levithikusi 22:27

“Nakutelwe linkhonyane, nome lizinyane lemvu, nome lembuti, litawuhlala nenina emalanga lasikhombisa. Kusukela ngelilanga lesiphohlongo, selingemukeleka kutsi libe ngumnikelo lowentiwa ngemlilo kuSimakadze.

Levithikusi 22:9

“Baphristi kufanele bayigcine yonkhe imitsetfo lengibanika yona, khona bangetiwuba nelicala bafe ngenca yekungangihloniphi. NginguSimakadze lobangcwelisako.

Levithikusi 23:11

yena uyawusijikitisa embikwaSimakadze, khona atewusemukela egameni lenu. Umphristi uyawusijikitisa ngelilanga lelilandzela liSabatha.

Numeri 18:1

Simakadze wakhuluma ku-Aroni, watsi: “Wena, nemadvodzana akho, nemndeni weyihlo kufanele netfwale bubi lobuphambene nendzawo lengcwele; wena-ke nemadvodzana akho niyakwetfwala tono leticondzene nebuphristi benu.

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

Kubase-Efesu 1:6

Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.

KumaHebheru 9:28

Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaPhetro 3:18

Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.