Eksodusi 28:29 - Siswati 1996 Bible

²⁹ “Ngesikhatsi Aroni angena endzaweni lengcwele utabokwembatsa lesembatfo sesifuba lesinemabito emadvodzana aka-Israyeli, khona atawubokhumbuleka njalo nje kuSimakadze.

Eksodusi 28:29 Referencias Cruzadas

Eksodusi 28:12

Lamatje ubowafaka kulemichilo lebophela lesidziya emahlombe. Aroni utabowagaca emahlombe lamabito emadvodzana aka-Israyeli njalo nje naketa kimi, kuze kube sikhumbuto.

Eksodusi 28:15

“Ubenta sembatfo sesifuba ngebungcweti lobukhulu, sibe ngesekwehlulela kwemPhristi Lomkhulu; njengesidziya sibe nalokuyigolide, nalokubukhwebeletane, nalokuluhlata njengesibhakabhaka, nalokubovu ngalokutopele kanye nemitiya yelineni lecolisakele.

Eksodusi 28:28

Bopha lamajiva lasesembatfweni sesifuba uwahlanganise nalamajiva esidziya ngentsambo leluhlata njengesibhakabhaka. Loko kutakwenta sembatfo sesifuba sibe ngetulu kwelibhande singaceki.

Eksodusi 28:30

Kulesembatfo sesifuba sekwehlulela ubofaka i-Urimu neThumimu, kubesetikwenhlitiyo ya-Aroni sonkhe sikhatsi nangena ebukhoneni baNkulunkulu. Kanjalo-ke Aroni uyawuphatsa letehlulelo tema-Israyeli etikwenhlitiyo yakhe nasembikwaNkulunkulu.”

Ingoma Yetingoma 8:6

Ngibeke njengeluphawu etikwenhlitiyo yakho, yebo, njengeluphawu emkhonweni wakho; ngobe lutsandvo lunemandla njengekufa, sikhwele salo asitfobiseki, sinjengelithuna. Lushisa njengemlilo lovutsako, yebo, njengelilangabi lelinemandla.

Jeremiya 30:21

Umholi wabo kuyawuba ngulomunye wesive sabo; umbusi wabo uyawuvela emkhatsini wabo. Ngiyakumsondzeta, naye uyawuvele asondzele kimi, ngobe vele ngubani lowake watinikela yena, abesedvute nami?’ kusho Simakadze.

KubaseRoma 10:1

Bazalwane, sifiso senhlitiyo yami nemthandazo wami kuNkulunkulu ngebaka-Israyeli kutsi bamane basindziswe.