Eksodusi 28:11 - Siswati 1996 Bible

¹¹ Funa umuntfu lonelikhono lekubhala ngekucopha lamatje lamabili, acophe emabito emadvodzana aka-Israyeli; lamatje abowahlobisa ngegolide lapha emaphetselweni.

Eksodusi 28:11 Referencias Cruzadas

Jobe 19:24

kube fane abengacoshwa ngelusungulo emtfofini, nome acoshwe edvwaleni laphakadze naphakadze.

Eksodusi 28:10

ngekwelamana kwawo, lasitfupha kulelitje lelinganhlanye, nalasitfupha kulelitje lelinganhlanye.

Eksodusi 28:12

Lamatje ubowafaka kulemichilo lebophela lesidziya emahlombe. Aroni utabowagaca emahlombe lamabito emadvodzana aka-Israyeli njalo nje naketa kimi, kuze kube sikhumbuto.

Eksodusi 28:21

Kufanele kube nematje lali-12, ngulelo nalelo litje libe nelibito lendvodzana ya-Israyeli; ngulelo nalelo litje libekwe luphawu ngekusikwa kwelibito lesive setive letili-12 taka-Israyeli.

Eksodusi 28:25

Letinye tihloko talemigaco kufanele utibophele kulemiphetfo lemibili, ngalendlela titawuba ngembili emichilweni yemahlombe yalesidziya.

Eksodusi 28:36

“Yenta ngcwengcwe wegolide lecengekile bese ubhala ngekucopha nankha emagama: ‘Kwehlukaniselwe Nkulunkulu’.

Eksodusi 39:13

emgceni wesine banamatsisela ikhrisolithe, ne-oniksi, nejasiphi. Onkhe bawanamatsisela, base bawephetsa ngegolide.

Eksodusi 39:18

Letinye tihloko talemigaco batibophela kulemiphetfo lemibili, ngalendlela taba ngembili emichilweni yemahlombe.

Eksodusi 39:6

Benta ematje e-oniksi bawahlelisa bawephetsa ngegolide emaceleni, bawabhala ngekucopha emabito emadvodzana aJakobe.

Jeremiya 22:24

Simakadze utsi: “Kuphila kwami, ngisho nawe Jehoyakhini, msa waJehoyakimu, inkhosi yakaJuda, bewuyindandatho yeluphawu esandleni sami sekudla, nanyalo ngisengakudvonsa ngikususe.

Zakhariya 3:9

Buka, litje lengilimise embikwaJeshuwa. Kunemehlo lasikhombisa kulelitje linye, mine ngitawucopha umbhalo kulo, nesono salelive ngiyawusisusa ngalanga linye,’ kusho Simakadze longuSomandla.

Kubase-Efesu 1:13

Kwaba njalo-ke nakini futsi. Natsi kube nive livi leliciniso, liVangeli lekusindziswa kwenu, nakholwa nguye futsi, nani nabekwa luphawu lolunguMoya Longcwele labetsenjisiwe.

Kubase-Efesu 4:30

Ningamdzabukisi Moya Longcwele waNkulunkulu lenabekwa luphawu ngaye kudzimate kube lilanga lekuhlengwa.

2 kuThimothi 2:19

Kodvwa sisekelo lesimiswe nguNkulunkulu solomane simile, sineluphawu lolutsi: “INkhosi iyabati lababayo,” nekutsi: “Wonkhe umuntfu lotibita ngelibito leNkhosi akakhweshe kulokubi.”

Sembulo 7:2

Ngase ngibona lenye ingilosi yenyuka iphuma emphumalanga, iphetse luphawu lwaNkulunkulu lophilako; yamemeta ngelivi lelikhulu, imemeta letingilosi letine letatinikwe emandla ekulimata umhlaba nelwandle,